Эссе және өлең-жыр байқауы

Мақал-мәтелдер

Әр жіліктің өз майы бар.

Ілмектер: жілік, май

Әр елдің өз әкімі бар (мұны арабтар айтады),
Әр үйдің өз ханы бар (мұны түріктер айтады).

Ілмектер: әкім, хан, үй

Әр айып сайын бас кесілсе,
Дүниеде тірі жан қалмас.

Ілмектер: айып, бас, кесу, дүние, тірі, жан

Әр адам білігімен белгілі болады.

Ілмектер: адам

Әмірдің алдында сөйлегеннен, тыңдаған жақсы.

Ілмектер: әмір, тыңдау, сөйлеу

Әлім алдында ауызыңды ти.

Ілмектер: әлім, ауыз

Әлі келмеген Аллаға тапсырады.

Ілмектер: әл, Алла

Әлі жетпеген Құдайшыл.

Ілмектер: әл, Құдай

Әлем билеу үшін зерде тірек қой,
Ел билеуге керек ақыл, жүрек, ой.

Ілмектер: әлем, ақыл, билік, жүрек, ел

Әлекпеден қорыққан сиыр жимас,
Ақыреттен қорыққан күнә қылмас.

Ілмектер: қорқу, сиыр, ақырет, күнә

Әл үстінде жатқан адамның
Аузына мақтамен су тамызады.

Ілмектер: әл, денсаулық, мақта, су, адам, тамызу

Әкіміңнің көзі соқыр болса,
Бір көзіңді қысып жүр.

Ілмектер: әкім, көз, соқыр

Әкімі зұлым болса, елі азады.

Ілмектер: әкім, зұлым, ел

Әкімшіліктен де гөрі әділет қымбат.

Ілмектер: әкім, әділет, қымбат

Әкімнің мойны қылшадай, басы таудай.

Ілмектер: әкім, тау, бас

Әкімнің көңілінде болғанша,
Көзінде бол.

Ілмектер: әкім, көңіл, көз

Әкімнің достығына сеніп болмайды.

Ілмектер: әкім, достық

Әкімнің ақысы болса,
Қараның қақысы бар.

Ілмектер: әкім, ақы, қара

Әкімменен қарсы болсаң, күнің жаман,
Молдаменен қарсы болсаң, дінің жаман.

Ілмектер: әкім, күн, молда, дін, жаман

Әкімдердің ашуынан сақтан.

Ілмектер: әкім, ашу