Эссе және өлең-жыр байқауы

Мақал-мәтелдер

Байлығы тайған бек
Жұртсыз күн көре алмайды.

Ілмектер: бай, байлық, бек, жұрт, күн

Байларменен алысып болмас,
Терекпенен күресіп болмас.

Ілмектер: бай, терек, күрес

Байлардың сыйлығынан
Кедейдің сабыр еткені артық.

Ілмектер: бай, кедей, сыйлық, сабыр, артық

Байлар ашты тоқ санар,
Аш жаманын жоқ санар.

Ілмектер: бай, аш, тоқ, жаман

Байғұстың аузы асқа тисе,
Мұрны қанайды.

Ілмектер: байғұс, ас, мұрын

Байғұстың асын «биссмилла» тауысар.

Ілмектер: байғұс, ас, тағам

Байқасаң, бақыт бір жерде тұрмайды.

Ілмектер: бақыт, жер

Байдың ісі пәрменменен,
Жарлының ісі дәрменменен.

Ілмектер: бай, іс, жарлы, кедей, пәрмен, дәрмен

Байдың мың қойының ішінде
Жарлының жалғыз қара тоқтысын көреді.

Ілмектер: бай, мал, кедей, жарлы, тоқты, қара

Байдың малы теңіз,
Ептеп жемеген доңыз.

Ілмектер: бай, мал, теңіз, байлық, доңыз

Байдың қойы желігіп қасқырға соқтықса да, аман қалады.

Ілмектер: бай, қой, қасқыр, аман

Байдың асын байғұс қызғанар.

Ілмектер: бай, ас, қызғаныш

Байды мал басар,
Жарлыны бала басар.

Ілмектер: бай, жарлы, кедей, бала, мал

Байдан сыралғы, батырдан сауға.

Ілмектер: бай, сыралғы, батыр, сауға

Бай мінеді бір ат,
Жарлы мінеді бір ат.
Жазғытұры болғанда,
Бай мінеді құр ат.

Ілмектер: жазғытұры, бай, ат, жарлы, кедей

Бай менен жарлының арасы ауа менен жердей.

Ілмектер: бай, кедей. ауа, жер

Бай мен бай құда болса, жорға жүрер,
Жарлы мен жарлы құда болса, дорба жүрер,
Бай мен кедей құда болса, зорға жүрер.

Ілмектер: бай, құда, кедей, дорба

Бай мақтанса, май табылар,
Жоқ мақтанса, не табылар.

Ілмектер: бай, май, кедей

Бай мақтанса, табылар,
Әрнәрсенің, қоры бар.
Жоқ мақтанса, шабылар,
Маңдайының соры бар.

Ілмектер: бай, мақтану, кедей

Бай қасына көшіп бар да,
Байымасаң, маған кел.
Қу қасына көшіп бар да,
Қурамасаң, маған кел.

Ілмектер: бай, байлық, қу