Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. 11 шілде

Михаил Лермонтов

11 шілде

  • 18.05.2022
  • 0
  • 0
  • 441
Жалқын бұлттың ішінде,
Жатқан шыңға зіл артып,
Күн батты бір кешінде
Айналасын қызартып.
Сол бір бикеш әлі есте:
Мен ұмытып өзімді,
Келбетінен келісті
Ала алмадым көзімді.
Алтын арай сол кеште
Аймалайды қыз бетін.
Тәтті түстей елестеп,
Қойды бүгін іздетіп.
Нәзік ерін, назды көз
Келе берер алдыма.
Аса аяулы сол бір кез,
Арман болып қалды ма?
Бақыт деген баянды –
Орындалса тілегің.
Барлығы есте қалады,
Шын селт етсе жүрегің.

Михаил Лермонтов 11 шілде Михаил Лермонтов өлеңдері

Пікірлер (0)

Пікір қалдырыңыз

Баллада

  • 0
  • 0

Славян келіншек, түнек-түн
үйінде отырды қамығып.
Алыста жолақ боп бір ерттің
Аспанға шапшиды жарығы...

Толық

Су перісі

  • 0
  • 0

Су перісі жүзді өзенде көк мөлдір,
Толықсып ай төбесінен төккен нұр;
Құлашымен толқынды кеп соғады, -
Ақ көбікті айға шашпақ болады.

Толық

Түс

  • 0
  • 0

Жатырмын Дағыстанның аңғарында,
Кеудемде шықпаған сол жан барында.
Езеді қорғасын ой, жаным жара,
Амалым әлі менің дағдаруда.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер