Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Тауқымет

Фариза Оңғарсынова

Тауқымет

  • 23.02.2022
  • 0
  • 0
  • 906
Күн көрудің қиыны-ай,
көз тартқанмен гүл-өңір.
Айрандайын ұйымай,
іріп жатқан бір өмір.
Тамағына тапқаны
жетпей жүрген бір адам.
Жайлы өмірдің шатқалы –
жеткізбейтін бір алаң.
Байығандар әлі де
байи түссем деп әуре.
Балалардың бәріне
үй берсем деп мен әуре.
Шырқыраумен күн шығып,
шырылдаумен күн батты.
Тауқыметтен тұншығып,
жойдық талай қымбатты.
Өмір деген білгенге
азаптарадан тұрады.
Сөйтіп жүріп, бір демде
сөнер тірлік шырағы.
1991

Фариза Оңғарсынова тауқымет Фариза Оңғарсынова өлеңдері

Пікірлер (0)

Пікір қалдырыңыз

Бидай елеген әйел

  • 0
  • 0

Жер үйдің үсті — тақтайдай,
бейне бір қырман алаңы.
Елегін ұстап,
ақ маңдай

Толық

Ерме

  • 0
  • 0

Сөзге ермес жолдас. Ол да – арман,
ермеден басыңды алып қаш.
Өзіндік пікірі жоқ жаннан
адамдық шығып жарытпас.

Толық

К-ға

  • 0
  • 0

Мен жайлы талай сыбырлар
талықсып саған жеткенде,
өкінсем осы ғұмырға
несіне келдім деп мен де,

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер