Жерді жамандама,
Сенің туған анаң.
Халықты жамандама,
Паналайтын панаң.

Ілмектер: жаман

---

---

Жаманның сөзін сөйлеме,
Жасықтың дауын даулама.

Ілмектер: жаман, жастық, дау

---

---

Еркектің жаманы
Қатынын жамандар,
Елдің жаманы
Батырын жамандар.

Ілмектер: жаман, еркек, қатын, отбасы

---

---

Жыланға түк біткен сайын
Қалтырауық болады.
Жаманға мал біткен сайын
Бақырауық болады.

Ілмектер: жаман

---

---

Көк соққаннан,
Көп соққан жаман.

Ілмектер: жаман

---

---

Жаман артық қылам деп
Тыртық қылар.

Ілмектер: жаман

---

---

Жаман етігін майлар,
Етігі етегін майлар,
Етегі көпшігін майлар,
Көпшігі құйрығын майлар.

Ілмектер: жаман

---

---

Құлқы жаманның
Қасында болма.
Құнты жаманның
Асында болма.

Ілмектер: жаман

---

---

Жаманның ақылы қалтасында,
Ақымақтың ақылы балтасында.

Ілмектер: жаман, ақымақ

---

---

Үндемегеннің ішінде,
Үйдей бәле жатады.

Ілмектер: үндемеу, бәле

---

---

Қауым елді жамандама,
Қарғысына қаларсың.
Қара жерді жамандама,
Қайтып сонда барарсың.

Ілмектер: жаман, ел

---

---

Наданға жалынғанша,
Адамға жалын:
Надан жолыңды тосады,
Адам қатарға қосады.

Ілмектер: надан, адам

---

---

Тыстағы мың жаудан,
Үйдегі бір жау жаман.

Ілмектер: отбасы, жаман

---

---

Көргені жаман —
Бергенін айтады.

Ілмектер: жаман

---

---

Көргені жаман оңбайды,
Айтқан тілді алмайды.
Алғаны жаман оңбайды,
Қағып төсек салмайды.

Ілмектер: жаман, үйлену

---

---

Жаманның бір қылығы артық,
Жағасы жыртық.

Ілмектер: жаман, қылық

---

---

Жатқа мініңді айтпа,
Жаманға сырыңды айтпа.

Ілмектер: жат, жаман, сыр

---

---

Сөйлей білмес жаманның,
Сөзі өтпес бір пышақ.
Сөз білетін адамның
Әр сөзіне бір тұсақ.

Ілмектер: жаман, адам, сөз

---

---

Жабағы тайдың тері ащы,
Жаман адамның тілі ащы.

Ілмектер: жаман, адам, тіл

---

---

Бір сапар ер арытпас,
Жаман жолдасын жарытпас.

Ілмектер: жаман, жолдас

---

---