Ауылда
- 0
- 0
Қатал боп тұр мына заман нарығы,
Қатты боп тұр нарығыңың қарымы.
Қанша жүрдім қараңғыда қарманып,
Қайда кеткен ауылымның жарығы?
Ұнады ма алғашқы қадамдарым,
Ақтілеу тіледіңдер маған бәрің.
Талабыма өздерің тай мінгізген,
Айналайын, аулымның адамдары!
Жас кезіңде биік болар арманың,
Бақыт әнін шырқап тұрар жан-жағың.
Өткен күндер өзгеше бір қызықты,
Ғажайып боп елестейді алдағың.
Қаракөз
Қызғанам сені маңдайына түскен күннен де,
Бірге жүргенде сені көрсетпей тұрған түннен де.
Көз алдымда мәңгі жүргеніңді қалаймын,
Қызғанам ғой сені айналып өткен желден де.
Сенсіз көзімді де ашқым келмейді,
Ашсамдағы көз алдымда қара түнек.
Сенсіз сөзімде көпке естілмейді,
Сенсіз істеген ісімнің де реті келмейді.
Көз алдымда сен,жүрек тұсымда да сен,
Сол қалпы жүрші жоғалып кетпе сен.
Шынайы қалпыңда көре алмасам да,
Елестетіп, еске алып,сағынысып жүрейін мен.
Жеткілікті бұл өмірде сенің барың,
Сен үшін өзгертем ғой жердің бәрін.
Сені сүю мен үшін сондай бақыт,
Қорғай жүрсін сол үшін сені тәңірім.
Ей тағдыр ай ғашық болдым неге айтшы,
Осы өлеңді соған ғана арнатшы.
Сүймейінші басқа жанды енді мен,
Ғашықтығымды осыменен тоқтатшы.