Өлең, жыр, ақындар

Жұлдызым

  • 07.06.2019
  • 0
  • 0
  • 1714
(«Жұлдызым» әнінің ырғағымен айтылады)

Жұлдызым келе қапты сәлем беріп,
Барады көрген сайын жүрек еріп,
Төбеміз көкке аз ғана жетпей қалар,
Біз сені әлсін-әлсін тұрсақ көріп.
Жұлдызым.
Қалқиған құлағыңнан,
Битімдей тырнағыңнан,
Аташың айналғанда,
Көмейде тұрады ән.
Ыстықсың бәрімізге сонша неге,
Тәмпиген таңқы мұрын «жаман неме»,
Сен келсең базар-думан бола қалады,
Келгендей ұзақ жолдан құтты кеме.
Қайырмасы:
Көзіңнен жылтыраған,
Иісіңнен бұрқыраған,
Аташың айналғанда,
Кеудеде жыр тулаған.
Күлсең сен езу тартып мәз боламыз,
Шаттанып, жайма-шуақ жаз боламыз,
Шиқылдап жыласаң да шырқ үйіріліп,
Шаттыққа, жанға қуат кез боламыз.
Қайырмасы:
Дулат пен Найман сенің арғы тегің,
Деп жүрміз тірі тұрсаң, болмас тегін,
Жарылып жүрегіміз сен туғанда,
Бақыттың кілті ғана болсын дедім.
Қайырмасы:



Пікірлер (0)

Пікір қалдырыңыз

Сапар Байжановқа

  • 0
  • 0

Сапеке-ау, елу жасқа сен де келдің,
Өмірде жауапты бір өрге келдің.
Жүруші ең мен жаспын деп қартаймастай,
Есейіп, енді міне жөнге келдің.

Толық

Баукең қайтқанда

  • 0
  • 0

Қаралы хабар жетті,
Баукең жоқ деп,
Жүректі осып өтті жанған шоқ боп.
Ойлаушы ек бәйтерек деп құламайтын,

Толық

Жұмакүлге

  • 0
  • 0

Жұмакүл көкем горчица салдың төсіме,
Қыздырар қазір деп жаттым мен де көсіле.
Қыздыра қоймай сені де, мені ұялтты-ау,
Аптеканың ала алмай жүрген өші ме.

Толық

Қарап көріңіз