Қыз сыны байқауына өзін-өзі таныстыру өлең жолдары

Жыл сайын мектептерде қыз баланың білімін, өнерін саралау мақсатында "Қыз сыны" байқауы ұйымдастырылады. Әдетте бұл байқаудың қатысушысы ең алдымен өзін таныстыруға тиіс. Байқау шарты бойынша таныстыру кезеңі өлең жолдарымен айтылады. Алайда өлең шығару қабілеті барлық адамға бірдей берілмеген. Осы орайда ғаламторда жарияланған өлеңдерді бір жерге топтастырдық.

Ескерту: Өлең жолдарындағы есімдер мен мектеп, қала атауларын өзіңізге ыңғайлы етіп өзгертіп алуға болады. 

Ескерту: астымен сызылған сөздердің орнына өз қалаңызды, атыңызды, мектебіңізді ауыстырып пайдалана аласыз!

Көк зеңгір бейбіт күннің аспанында,
Сұңқарың қалықтаған асқарыңда.
Армысың мың жыл тарих жастап жатқан, О, Тараз!
Қасиет бар тастарыңда!
Ішінде дара туған ұл-қызыңның,
Жап-жарық түнде жанған жұлдызыңмын!
Сыналып сынға түскен қыз сынында,
Ортаңа келіп тұрған бір қызыңмын!
Аружан асыл атым ғасыр атым,
Ата-анам мен дегенде тасынатын.
Үйде қыз, сыртта ұлтымның арымын мен,
Мерейін мәңгі биік асыратын
Қандырып өздеріңді жырға бүгін,
Жетеді құлақтарға ырғалып үн.
Ұлтының айнасы бұл Аружаның
Келеді сыңғырлатып сырғалығын.
Тап бүгін сынға түсіп жағым тынбас,
Бап шапса бапталғанда бағым мұңдас.
Қазақтың қызы қандай танытармын,
Тап бірақ, сынға түсіп сағым сынбас.
Төбемнен нұрын шашса күлімдеп күн,
Елімнің алдында әркез күлімдеппін.
Абайдың атындағы мектебім бар,
Ағайын қалай сыннан сүрінбекпін.

Ескерту: астымен сызылған сөздердің орнына өз қалаңызды, атыңызды, мектебіңізді ауыстырып пайдалана аласыз!

*************************************

Армысыздар жиналған көпшіл қауым,
Биік қойған жанынан қыздың арын!
Қыз өсірген қазақтың қайғысы осы,
Қатал сынға салатын әр қадамын!

Шын сыналған жүйрікте мін болмайды,
Ақылы озық - біреуге күң болмайды!
Келіні дана болған қазағымның,
Ұлдары өзге елге құл болмайды!

Көпшілік мен де өзімді сынға салдым,
Ұлықтап қазағымның дәстүр салтын!
Топтан озу мақсатым болмаса да,
Ару болу мақсатым инабатты!

Әділқазы алқасы армысыздар!
Бейне бір жауатұғын қармысыздар.
Аруларға әділ баға беретұғын,
Әділеттен жаралған жанбысыздар?!

Атым - ..... болады сұрасаңыз,
Албан екен кешегі бір атамыз.
Әкем аты ..... асқар тауым,
Пана болып біздерге жүз жасаңыз!

Анашым .............. қызы,
Жүзінен төгілетін күннің нұры.
Атыңа кір келтірмей өтсем сенің,
Мойнымнан түсер ме екен перзент жүгі..!

Ұстазым - ... апай аяулы адам,
Біздерден бар білгенін аямаған!
Осындай ұстаздардың арқасында,
Көпшіліктің көңілі тояр маған!

Көп айтып өз жайымды не қылайын,
Өнеріммен одан да таң қалдырайын!
Кішіге үлгі, үлкенге өнеге болып,
Сахнаның төрінде сән құрайын!
Қарағанды облысы, «Осакаровка кентінің
№1орта мектебі» тарих пәні мұғалімі
Рахмет Айтолхын

*************************************

«Сөз анасы - сәлем» дер дана халқым,
Өмір бойы сыйлап өскен ата салтын.
Сәлем бердім баршаңа, оқырмандар,
Деніңіз сау, жүзіңіз болсын жарқын!

Қыз - өсіру ата - ана ізгі арманы
Алдарыңа үмітпен келіп тұрған,
Қазағымның тарихын зерделеген
Айтолқын атты қазақтың қызғалдағы

Бас жүлдеге мен де таласайын,
Өзімнің күшімді мен аямайын.
Бәріңізге сәттілік қарсыластар,
Осыменен сөзімді аяқтайын!

*************************************

Сәлем берем, сәлем беру салтымыз,
Сәлемменен сөз бастаған халқымыз.
Аман – есен жүрмісіздер жалпыңыз.
Армысыздар, жиылған жұрт халқымыз
Бектас тұр жанымда жарқыраған
Жүрегі ақ көңіл аңқылдаған
Армандап талай жандар бір көруге
Аңсау менен түндерді таңды атырған
Ортаға қол ұстасып біз шығайық
Өмірдің шапағатын біз құрайық
Көрсетіп өнерлерді барша жұртқа
Иемденіп бас жүлдені біз алайық
Бүгін міне сайысқа қатыспақпын
Шыққандаймын өте бір киын жолға
Таныстырып өзімді сөз сөйлейін
Аруақ ата-бабам жар боп қолда!
Сұрасаң есімімді,айтам-Райгүл
Тумады Бесқарағайда Райгүлдей гүл
Сұрасаң руымды айтам,аты-уақ
Досым көп,дұшпаным да аз емес бірақ.
........... деген асқар таудай әкем бар,
........... деген ақ бұлақтай шешем бар.
Әкем - тұлпар,
Шешем - сұңқар.
Көп сөйлеп кідірмейін, тоқтамайын,
Жеті атама енді мен тоқталайын...
(жеті атаңызды атайсыз)
Шығыпсыңдар сайысқа
Сұлу қыздар, арулар
Мен жетемін табысқа
Жүлде аламын бауырлар!

*************************************

Армысыздар ұлағатты ұстаздар,
Бармысыздар жігерлі дос құрбылар.
Қарсыласым сәлем бердім бәріңе,
Бас иемін сәлем беріп иіле!

Тектіліктен жаралған қазағымның,
Ерекше дара туған қыздарыңмын.
Шуақ шашқан көктемнің шуағындай,
Арайлым атты кішкентай қыздарыңмын.

Жүріп келем өзін салған ізбенен,
Жақын болар әкесіне қыз деген.
Орта жүздің Таз атты руынан,
Асқар таудай әкем бар Сәтжан деген.

Әділқазы алқалары бүгінгі,
Әр аруды бағалай біл өнерлі.
Қарсыласым баршаңызға сәттілік.
Достық деген арттырайық ұғымды.

«Қыз аруы» атты мына сайыста,
Қарсыласым шаба білген майыспа.
Өнердің өрлетейік өр кемесін,
Мына жұрт таңырқамай кетпесін

*************************************

Армысыздар халайық!
«Әдепті елдің баласы алыстан сәлем береді дегендей қымбатты ұстаздар, ата - аналар және қарсыластарым. 8 - наурыз мерекесі құтты болсын. Бәріңізге зор денсаулық, мол бақыт тілеймін.
Зейнуллатегі Жанерке Кемелқызы
Руым, тама - бәйет, кіші жүздің сұлу қызы мен болам.
Менің атымды Жанерке деп қойған себебі жаны таза болсын, ерке болсын деп Жанерке қойған.

*************************************

Армысыздар ұлағатты ұстаздар,
Бармысыздар жігерлі дос құрбылар.
Қарсыласым сәлем бердім бәріңе,
Бас иемін сәлем беріп иіле!

Тектіліктен жаралған қазағымның,
Ерекше дара туған қыздарыңмын.
Шуақ шашқан көктемнің шуағындай,
Арайлым атты кішкентай қыздарыңмын.

Жүріп келем өзін салған ізбенен,
Жақын болар әкесіне қыз деген.
Орта жүздің таз атты руынан,
Асқар таудай әкем бар Сәтжан деген.

Әділқазы алқалары бүгінгі,
Әр аруды бағалай біл өнерлі.
Қарсыласым баршаңызға сәттілік.
Достық деген арттырайық ұғымды.

«Қыз аруы» атты мына сайыста,
Қарсыласым шаба білген майыспа.
Өнердің өрлетейік өр кемесін,
Мына жұрт таңырқамай кетпесін.

*************************************

Көктем аруы

Ғажайып күн мен үшін,
Осы мейрам әрине.
Бәрі асыл ана үшін,
Қарыздармын мәңгіге.
Алақаны аяулы,
Ұмыттырар қайғыны.

Бұл сиқырлы алақан,
Жақсы іске баулиды.
Сайысқа мен келіп тұрмын,
Жайшылық Гүлден аты – жөнім.
Сәттілікті тілеп тұрып,
Бас иемін сіздер үшін.

Үкілі кәмшәт, бүрмелі көйлек киген
Қазақтың ерке қызымын.
Ән айтып, мың бұрала билеген,
Мұратқызы Зинегүл мен болам.
Дәстүрін елдің сақтаған,
Иіліп халқыма бас иіп сәлем берем.
Ел жатқанда жатпаған,
Біз деп тыным тапаған - деп
Аналарды мерекелерімен құттықтаймын.
Құрбыларыма сәттілік
Өзіме жеңіс тілеймін.

Армысыздар халайық,
Амандасып алайық.
Менің атым Дария
Мақтануға лайық.
Руым адай ішінде тәзікесі
Шайдолла ата боламын немересі
Әкем аты Төлеміс
Анам аты Бибігүл
Қыз сынына келіп тұрмын
Дария атты мен бір гүл.

Атым Светлана сұрасаңыз.
Беріш екен кешегі бір атамыз.
Әкем аты Қуангали асқар тауы
Пана болып біздерге жүз жасаңыз.
Анашым Аққойсын Сагындыққызы
Жүзінен төгілетін күннің нұры
Атыңызға кір келтірмей өтсем сіздің
Мойныңнан сүйер ме екен перзентшігің.

Қатысам мен бақшадан жарыстарға
Өзімді көпшілікке таныстырам.
Атым - Аяулым, қызымын Нұрлыбектің
Руым кұлкеш, бөлімі бар Байгөл деген
Құттықтап аналарды мерекемен
Билейміз дөңгеленіп, айтып өлең.
Шыңдаймыз өнер менен білімді біз
Иіліп өздеріңе сәлем берем.

Сәлем беріп алдыңызға бас ием.
Қош келдіңіздер барша жандар сайысқа,
Таныстырам өзімді.
Мен сүйкімді Жолдасқызы Аружан.
12 ата байұлы
Руым беріш Жайық мен болам
Өнерімді көрсетемін аянбай.
Әділ қазы әділ шешсін аянбай.

Асылболат немересі, атым Інжу,
Мен болдым шаңырақта тойдың басы.
Майқұйрық бала дейді әжем.
Бауырларым өсіп келеді қолтықтасып.
Жарқыраған тау тасындай баламын.
Шаңырағымның үлкені мен боламын.
Мейрім төккен балаға
Білімін құйып санаға
Ардақ, Айнұр апайлар
Мың алғыс айтсам бола ма
Өнерімді көріңдер
Дәл бағасын беріңдер
Қарақат көз бүлдіршін
Топ жарады сеніңдер
Жарқыраған балақайды
Шапалақпен демеңдер.

Таныстырсам өзімді
Атым менің Сабина
Кішкентаймын мен әлі
Жұрттың бәрі тани ма
Ерлан атты әкем бар
Еркелетер күлімдеп
Лена деген анам бар
Мәпелетер гүлім деп.

*************************************

Армысыздар жиналған көпшіл қауым,
Биік қойған жанынан ұлдың арын!
Ұл өсірген қазақтың қайғысы осы,
Қатал сынға салатын әр қадамын!
Шын сыналған жүйрікте мін болмайды,
Ақылы озық - біреуге күң болмайды!
Келіні дана болған қазағымның,
Ұлдары өзге елге құл болмайды!
Көпшілік мен де өзімді сынға салдым,
Ұлықтап қазағымның дәстүр салтын!
Топтан озу мақсатым болмаса да,
Сері болу мақсатым сегіз қырлы!
Әділқазы алқасы армысыздар!
Бейне бір жауатұғын қармысыздар.
Жігіттерге әділ баға беретұғын,
Әділеттен жаралған жанбысыздар?!
Шыр етіп туысымен адам болдым,
Жыл сайынөсіп толып, өрлеп қондым.
Тобықтай тұла бойда бір мінім жоқ,
Жігіттер сайысына бүгін, міне, келіп тұрмын.
Өлшеу жоқ өнерімнің табысына,
өріске ойдағыдай барысыма.
Жарқылдап жай оғындай сайыстарда,
Көрсетем үздік өнер намысына.
Ұстаздарым мейірленіп, дос сүйсінсін,
Керемет қызық өнер құрғаныма.
Бейбітшілік туы астында біз өрлейміз.
Шығамын биік өнер шыңдарына!
Мақтанам мектебімнің таңын көріп,
Көктемнің жайма шуақ таңын көріп,
Білім мен тәрбиенің күшін қосып,
Орнаған сыныбыма бағын көріп.
Қуанам сыныбымның нұрларына,
Достарымның толған ой мен қырларына.
Тәрбиелеп өсірген жемістерін
Сыныптың жақсы оқыған қыз бен ұлдарына.
Құшағыңда құлпырып,
Достар менен бірге өскенмін.
...- сыныптың сегіз қырлы, бір сырлы,
Ағы мен көздің қарасы,
Сыныптың жігіт сұлтаны.
Қорғап келген намысын,
Өнерге қарсы аттанған
............  мен боламын.
Найман(руы) екен кешегі бір атамыз.
Әкем аты ..... асқар тауым,
Пана болып біздерге жүз жасаңыз!
Анашым,
Жүзінен төгілетін күннің нұры.
Атыңа кір келтірмей өтсем сенің,
Мойнымнан түсер ме екен перзент жүгі..!
Ұстазым - .... апай аяулы адам,
Біздерден бар білгенін аямаған!
Осындай ұстаздардың арқасында,
Көпшіліктің көңілі тояр маған!
Көп айтып өз жайымды не қылайын,
Өнеріммен одан да таң қылайын!
Кішіге үлгі, үлкенге өнеге боп,
Сахнаның төрінде сән құрайын!
Бабалар Қаныш, Мұхтар алғыс айтам
Ғылыммен елің үшін танысқанға,
Өнердің сара жолын салып берген,
Бас ием Ұлы Абай данышпанға.

*************************************

Сәлем бердім мен сіздерге!
Алтын қазы алқасы
Көрсетеміз қазір біздер
Салт-дәстүрдің жалғасын
Мен қатыстым міне бүгін
Қыздар сайын сынына
Өзім жайлы таныстырсам
.......қызы ............
Оқимын мен сыныбымның .....
Аяулы да ,ардақты ....... сынды апкиім
Үйретуден таймаған
Әрқашанда осындай қызықты мерекені
Шәкірттерімен тойлаған!

*************************************

Мен Жансая боламын,
5-а сыныбында окимын
Жетістікке жетемін
Барлық пәннен оқимын
Талпынамын, жазамын

Сол алғысым бар еді
Рахмет деймін ұстазға
Осы жиналған қауымдар
Сіздерге де айтарым
Талпыныныздар жетіндер

*************************************

Армысыздар жиналған көпшіл қауым
Биік қойған жанынан қыздың арын
Қыз өсірген қазақтың қайғысы осы
Қатал сыңға салатын әр қадамын
Атым Мөлдір болады сұрасаңыз
Жүзінен төгілетшн күннің нұры
Әділ қазы алқасы армысыздар
Бейне бір жауа тұғын қармысыздар
Аруларға әділ баға бере тұғын
Әділеттен жаралған жанбысыздар
Ұстаздарым мейірленіп дос сүйсінсін
Керемет қызық өнер құрғаныма
Желбіреген туы астында біз өрлейміз
Шығамын биік өнер шыңдарына
Көп айтып өз жайымды не қылайын
Өнеріммен оданда таң қылайын
Кішіге үлгі үлкенге өнеге боп
Сахынаның төрінде сән құрайын

*************************************

«Сөз анасы-сәлем» дер дана халкым,
Өмір бойы сыйлап өскен ата салтын.
Сәлем бердім баршаңа, оқырмандар,
Деніңіз сау, жүзіңіз болсын жарқын!
Әкем аты Габит-
Асқар тауым,
Гулбаршын менің анашым-
Ақыл айтар данашым!
Аккойлымын мен, Толе бидің ұрпағы,
Бітпейді қыз жүректің ізгі арманы,
Алдарыңа үмітпен келіп тұрған-
Жанерке  атты қазақтың қызғалдағы!
Ұнатам түрлі өнерді:
Мың бұралып билеуді,
Қазақстаy еліммен
Жоғары бірге өрлеуді!
Мені өсірген, баптаған-
Ақ ниетті ата-анам,
Жіберді мені сынауға,
Осы біздің байқауға.
Бас жүлдеге мен де таласайын,
Өзімнің күшімді мен аямайын.
Бәріңізге сәттілік қарсыластар,
Осыменен сөзімді аяқтайын!

Ескерту: астымен сызылған сөздердің орнына өз қалаңызды, атыңызды, мектебіңізді ауыстырып пайдалана аласыз!

---

Әлеуметтік желілерде бөлісіңіз: