Эссе және өлең-жыр байқауы

Қасиетті Еркіндігім

  • admin
  • 29.04.2019
  • 0
  • 0
  • 214
Қасиетті Еркіндігім!
Теңдігім!
Қанша шаруа тындырар ем ендігі?!
Амалсыздан азап шегіп отырмын
Тұтқыны боп бір айтыстың мен бүгін.
Көл-көсір сөз,
Кім-кімге де жеткен сөз
Бірі тура,
Бірі лағып кеткен сөз.
Сөйлеп жатыр,
Сөйлеп жатыр шетінен,
Сарқылмайтын,
Ортаймайтын неткен сөз!
Өз өмірін сөзбен жеген ұрылар
Қылды ысырап уақытымды қыруар.
Қарап тұрсаң,
Кейбіреудің —
Бір емес —
Бірнеше рет сөйлейтұғын түрі бар.
Кезек-кезек бұрқыратып шылымды,
Көмеді олар мәжіліспен жылыңды.
Есептесе қайтер еді.
Солардың
Кесірінен көрген таза шығынды!
Қара суды сапырысқан кездерде
Көремін мұң мен ақылды көздерден.
Қалай ғана жалықпайды осы жұрт.
Сұйығы көп,
Түйірі жоқ сөздерден!
Ағайын-ау!
Бітпейтұғын бір күнмен
Жиындарда туа қоймақ жыр кімнен?!
Мен отырмын жұтып жұрттың түтінін...
Бал арасы шырын жинап жүр гүлден!

Басқа да өлеңдері

Қайран менің қызғалдақты көктемім

  • 0
  • 0

Қайран менің қызғалдақты көктемім!
Қалай сені беріп қойғам теп-тегін?!
А-ха-хамен,
О-хо-хомен жүргенде

Толық

Қыр қазағы

  • 0
  • 3

Шопан, Диқан -
Еңбектің озаттары -
Жасандылық дегеннен азат бәрі.
Басылады көргенде көзіме оттай

Толық

Тоты

  • 0
  • 0

Қайталайды қаймықпай,
Болмаған соң сотыңыз.
Айтқаныңды айнытпай
Айтып берер тоты құс.

Толық


Пікірлер (0)

Пікір қалдырыңыз

Серіктестер

Жүктелуде...