Эссе және өлең-жыр байқауы

Бейбіт күн бейнесі

  • admin
  • 27.04.2019
  • 0
  • 0
  • 388
Жылдағыдан жер биыл ерте көктеп,
Жасыл бақты жасыл жел еркелетпек.
Көк инесін көк жіппен сабақтайды
Көлеңкеде кәрі ана көрпе көктеп.
Төсегінде жатқандай арман өсіп,
Тербетеді сәбиді арба-бесік.
Көк аспанға қарайды көп балапан
Көктен келер бір пәле бар ма десіп.
Бала мысық —
Алдайсың оны немен?
Ойнайды ол да бөбектің добыменен..
Тауықтарға шашылған жем үстіне
Торғайлар кеп қонады тобыменен.
Айтам деген аузынан сөзі қашып,
Бозбала тұр өзі аңқау, өзі ғашық,
Қақпа алдында
Қонаққа еті үйренген
Қара төбет қарайды көзін ашып.
Бейбіт күннің бұл да бір жыры ма еді,
Борықтай ақ бойжеткен кір іледі.
Ілген сайын
Ойнаған қума желмен
Жібек көйлек ақырын түріледі.
Желмен ұйтқып сол қыздың сәнді етегі..
Бозбаланың қиялын дәмді етеді.
Аз қалдым деп қайнауға,
Алау жұтып,
Ақ самаурын аулада әндетеді.
Сырығындай желкеннің кемедегі
Сыр аулайды антенна төбедегі.
Селк етеді диктордың дауысынан
Ұлы Отан Соғысының мүгедегі...

Басқа да өлеңдері

Қызығамын ғашық болған қос гүлге

  • 0
  • 0

Қызығамын ғашық болған қос гүлге.
Ғашықтарда болмас кейде ес мүлде!
Елу жылды сыйғызады махаббат
Бес-ақ жылға, –

Толық

Тамаша

  • 1
  • 2

Тамаша той-думанмен таң атырса
Сол кезде жаныңда әсем жан отырса
Тамаша жексенбі күн көл басында
Тұнықтан балық аулап бала отырса

Толық

Арман

  • 0
  • 0

Жеңешемнің баяғы
Жаратпаймын тарлығын.
Шкафқа сап қояды
Қант-секердің барлығын.

Толық

Пікірлер (0)

Пікір қалдырыңыз


Жүктелуде...