Өлең, жыр, ақындар

Алтынды алтын

  • 29.04.2019
  • 0
  • 0
  • 2983
Алтынды алтын,
Мысыңды мысың деймін.
Итіңді ит,
Кісіңді кісің деймін.
Бірақ Адам тұрғанда,
Ағайын деп,
Өліп-өшкен жандарды түсінбеймін.
Бұл мен жайлы сөз ғой деп қуыстанба.
Сыйысқан жөн,
Қайшы кеп қиысқаннан.
Барлық пәле шығады жұрағаттан,
Барлық сұмдық шығады туысқаннан.
Өз еркіммен бас тартып талайыңнан,
Туыс таппай,
Еңбекпен табайын нан.
Бір туғаннан шығады қызғану да,
Көре алмау да шығады ағайыннан.
Әбжыланға ақ жүрек арбалмасын,
Туысқанның туысқан жарған басын.
Қарындасың болғаннан қандай пайда,
Болмағасын, шіркін-ай, армандасың!
Туыстықпен қоздырар делебесін
Масылдарды асылдар елемесін!
Енелесің болғаннан қандай пайда,
Болмағасын, шіркін-ай, кемелесің!
Әне, туыс,
Әне, жат,
Әне, кірме...
Тегі бірдің кегі бір,
Әні бір ме?!
Қаны бірге болғаннан қандай пайда,
Болмағасын шығарда жаны бірге?!.



Пікірлер (0)

Пікір қалдырыңыз

Барлық саусақ бірдей емес

  • 0
  • 0

Кімдер біздің класты
Өнерсіз деп ойлайды.
Алсаңыздар Күләшті,
Сыбызғыңда ойнайды.

Толық

Таң

  • 0
  • 0

Күншығыстан нұр алып,
Қалғып-мүлгіп жатты ну.
Жусан желден ырғалып,
Жасап кетті жаттығу.

Толық

Жеңге мен қайны

  • 0
  • 0

Анамыз сүтпен бірге наз емізген,
Сондықтан сөзді жақсы сеземіз бе?!
Баяғы қайнысы боп
Бір ағамыз

Толық

Қарап көріңіз