Эссе және өлең-жыр байқауы

Жеңге мен қайны

  • admin
  • 30.04.2019
  • 0
  • 0
  • 535
Анамыз сүтпен бірге наз емізген,
Сондықтан сөзді жақсы сеземіз бе?!
Баяғы қайнысы боп
Бір ағамыз
Ойнайтын сексендегі әжемізбен!
Кеш ұқтық өмірдің біз парасатын,
Ғажап қой кеш күлкімен тарасатын.
Қарамай қырық-елу жас айырмаға
Қалжыңы өздерінің жарасатын.
Кездескен,
Ұшырасқан кездерінде
Өнердің ұшқыны ойнап көздерінде,
Айтқанда ол екеуі
Жіптіктей боп
Кететін кедір-бұдыр сөздердің де!
Тірлік пе жүре беру құр санатта?!
Жылға азық құрсан күндер,
Құрсан апта.
Әжеміз бір жасайтын
Қайнысымен
Сөйлескен,
Әзілдескен бір сағатта.
Өткізіп күзді де аман,
Қысты да аман,
Қазірде сәл қиындай түсті ғалам.
Қайнысы
Ә дегенде өте шыққан
Өзінің жастығындай ыстық оған!
Қашанда осы мінез,
Осы қалып.
(Бұлардың әзіліне досы қанық.)
Біреуі оз ағасын,
Бірі жарын —
Екеуі мәз болады есіне алып.
О, дәурен!
Жарқылдаған ақ алмасым!
Белгілі кәрілікке көне алмасың.
Жастығың өтсе өтсін,
Жастығыңды
Есіңе салатындар жоғалмасын!

Басқа да өлеңдері

Елу

  • 0
  • 0

Дұрыс көрдім
Келуді
Қарсы жүзіп тасқынға.
Ауылы бар елудің

Толық

Көктем шығып кетпесін

  • 0
  • 0

— Коньки теуіп үйренем,
Қиын дерлік несі бар!—
Күнде солай дегенмен,
Кәрім емес асығар.

Толық

Дауыл

  • 0
  • 0

Таздай сыйпап сортаң менен тақырды,
Көк шалғынды ұйпа-тұйпа жапырды.
Кір-қоқысын жағалауға лақтырып,
Көк теңізді тай қазандай сапырды.

Толық


Пікірлер (0)

Пікір қалдырыңыз

Серіктестер

Жүктелуде...