Эссе және өлең-жыр байқауы

Ана

  • admin
  • 09.07.2016
  • 0
  • 5
  • 19978
Уайым жеп біз үшін алаңдады,
Болсын дейді өмірде саған бәрі.
Сенде болсын дейді ол бар жақсылық,
Қандай жақсы өмірде анаң бары.

Мейірімі оның ұқсайды таң нұрына,
Ерітетін әлдиі жанды мына.
Күлкісінде шаттық бар сәби көрсең,
Қуан, Адам, анасы барлығына.

Анасы бар сәбидің "ұлым!" дейтін,
Соны ойласа, жанары күлімдейтін.
Отыратын жан ғой ол тәлім айтып,
Бесіктен-ақ соны өзің ұғын дейтін.

Анасы бар сәбидің "қызым!" дейтін,
Бақыты да сонымен үзілмейтін.
Бір кездегі болмысын содан көріп,
Жымиятын, сол үшін көз ілмейтін.

Анаң бары жақсы ғой "балам" дейтін,
Қолда бардың барлығы саған дейтін.
Хабарыңды беріп тұр, қарашығым,
Сені ойласам - көңілім алаң дейтін.

Анаң бары жақсы ғой "ботам" дейтін,
Көз ілсем де, сені ойлап жатам дейтін.
Сен ауырсаң, құлыным, бұл тірліктің
Кермек дәмін алдымен татам дейтін.

Баланы ойлап, тілейтін соның бағын,
Соның бағы шырақ боп жағылғанын
Қалайтұғын ана ғой қашанда да,
Перзент үшін жақсы екен Сенің барың.

Тіршіліктің таратып содан бәрін,
Мына өмірдің сіңірді саған нәрін.
Ол күн сайын сен жайлы мың толғанар,
Сен де ойлай жүр күніге анаң барын.

Басқа да өлеңдері

Армандар мен мұраттарға қатар жүріп жетіңдер

  • 0
  • 1

Ғашық болып бір-біріңе көрсеткенде шат қылық,
Алғы күннен осы той боп оянатын тәтті үміт.
Енді, міне, сендер үшін орындалып сол арман,
Шаңырақ пен босағадан кірді бүгін бақ күліп.

Толық

Жығылмасын махаббаттың жалауы

  • 0
  • 0

Сезім сәттің айтсақ та оңай ұранын,
Өмір бір күн тоса қояр сұрағын -
Дедің-дағы, сол сезімнің Сен бірде
Биігі мен тауы не деп сұрадың.

Толық

Әкесінің қызы

  • 0
  • 2

Тілейді әке ұлға да - ырыс, қызға - бақ,
Соны ойласа, талай кеуде сыздамақ.
Шаңырақтың иесі егер болса ұл,
Қыз - еркесі, қыз - өрісі, қыз - қонақ.

Толық


Пікірлер (5)

Аружан

Өте керемет әрқашан да өлеңді қисынды аяқтауға болатынын атап өтті

Аида

Бұл өлең маған қатты ұнады. Сөздері бір біріне ұйқасып тұр. Керемет! Ақын деген осындай болсын.

Арайлым

Мен бұл өлеңді жаттап алдым.дəл осы өлеңді күні 2 сəуір жарысқа жаттаймын.өзіме сəттілік

нұрила

Өте керемет өлең шумақтары маған қатты ұнады

Жанси

Оте керемет оте асерли, ары карайда осындай каркынмен жалгастыра бериниз саттилик

Пікір қалдырыңыз

Серіктестер

Жүктелуде...