Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Госпитальдар

Сырбай Мәуленов

Госпитальдар

  • 07.02.2016
  • 0
  • 0
  • 1752
Жалынмен жанып,
Дауылмен ағып,
Көшті таңдар.
Дала қуысында,
Қала бұрышыңда
Тұрды айнала госпитальдар.
Шулады сыртта
Жел-өзендер.
Сүңгіді бұлтқа
Ашық күн - терезелер.
Түндерде жара ауырлап,
Құтырып қағынды өлім.
Тұрды өмір қарауылдап
Басында жауынгердің.
Жаралы тұрды үміт,
Жатты оған ем істеп ел.
Ажалды жүрді қуып
Ақ қанат періштелер.
Таусылып алатын дем,
Жатқанда жанып достар,
Желпіді қанатымен
Қарлығаш - қарындастар.
Күлкісіз күндер,
Ұйқысыз түндер,
Көшті таңдар.
Үміттің ұясындай
Тұрды сонда
Госпитальдар,
Госпитальдар!

Cырбай Мәуленов өлеңдері Госпитальдар өлеңі

Пікірлер (0)

Пікір қалдырыңыз

Туған жермен сырласу

  • 0
  • 0

Уа, Торғай, тыңда мені, қымбатты анам,
Бала боп барсам аунап-қунап қалам.
Желіңе, толқыныңа, жаңбырыңа
Жасқанбай жанымдағы сырды ақтарам.

Толық

Тау үстінен қарасаң

  • 0
  • 0

Таңертең
Таудан қарасаң,
Қаланың үсті
Қара шаң.

Толық

Ленин комиссарлары

  • 0
  • 0

Қадап қызыл жалауларды,
Октябрьді елге ұқтырып,
Тік көтеріп алаңдарды,
Өлді олар сөйлеп тұрып.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер