Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Ленин комиссарлары

Сырбай Мәуленов

Ленин комиссарлары

  • 07.02.2016
  • 0
  • 0
  • 1455
Қадап қызыл жалауларды,
Октябрьді елге ұқтырып,
Тік көтеріп алаңдарды,
Өлді олар сөйлеп тұрып.
Пулеметтер жалын құсып,
Бұрқыраған атыс күнде,
Жалаулардай жалын құшып,
Өлді олар ат үстінде.
Өзгелерге өмір беріп,
Бақыт күнін шапшаңдатып.
Өзін күтпей көңіл бөліп,
Жүрді олар аштан қатып.
Бастап алға жүгірді олар,
Революция солдаттарын.
Айқастарда жығылды олар,
Өзіне атып соңғы оқтарын.
Комиссарлар, комиссарлар,
Ішінде ұлы жұмыстардың,
Арасында тірілердің,
Ортасында құрылыстардың,
Арасында бүгін елдің,
Комиссарлар, комиссарлар!

Cырбай Мәуленов өлеңдері Ленин комиссарлары өлеңі

Пікірлер (0)

Пікір қалдырыңыз

Орал, 1942 жыл

  • 0
  • 0

Тоқталатын кезі жетті жаңбырдың,
Ашық күнді енді саған қалдырдым.
Эшелондар, эшелондар зулайды,
Күйін шертіп тартыстағы тағдырдың.

Толық

Ғабдолға

  • 0
  • 0

Сен жоқсың —
Сайранды салатұғын,
Таксиді байлап қойып,
Қақпаны қағатұғын.

Толық

Көне үргеніш

  • 0
  • 0

I
Шығып әбден ығыры
Қиын болып күн көріс.
Керуендермен бір жылы

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер