Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Қозы

Сырбай Мәуленов

Қозы

  • 07.02.2016
  • 0
  • 0
  • 5165
Қырдан ойға шұбырып,
Құлады қой маңырап.
Қарсы шықты жүгіріп,
Жас қозылар жамырап.
Тұманданды сұр дала,
Тұяқтардан шаң ұшып.
Қозылармен бір бала
Кете барды жарысып.
Тілінсе де табаны,
Тікенек пен шеңгеден.
Ақ тиындай ағады,
Орғып ордан көлденең.
Көруге тым қашықтан,
Дағдыланған көзі ұдай.
Енесіне асыққан
Ол-дағы бір қозыдай.
Қалыспайтын дүбірден
Албырт бала кезінде.
Болар солай жүгірген
Шопан ата өзі де.

Cырбай Мәуленов өлеңдері Қозы өлеңі

Пікірлер (0)

Пікір қалдырыңыз

Таң атқанда

  • 0
  • 0

Ақырын күліп таң атқанда,
Көк атылас жамылып.
Кең даланы оятқанда,
Таң дабылы қағылып.

Толық

Еңбек зейнеті

  • 0
  • 0

Тың даланы түлетем деп
Өтті талай күресте таң.
Көкірегіне күн мекендеп,
Тұрды ұйқысыз республикам.

Толық

Индиялық досқа

  • 0
  • 0

Қалыпты ол кез жадымда,
Еді осындай күн ашық.
Алматының бағында
Көп қыдырдық сырласып.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер