Анамдай қыз іздеймін

Іздемеймін көйлектің қысқаларын,
Қыздарға, жоқ қоятын жүз талабым,
Ең сұлуы, ерекшесі керек емес,
Таңдап алам анама ұқсағанын.

Айқайлап ұрыспасын бекер маған,
Болмасын қабақ түйген, өте надан.
Боянған сұлулығы керек емес,
Анамдай күліп жүрсе жетер маған.

Қыз іздеймін, өшпейтін мол шырағы,
Әр күніміз бақытты, болсын мәнді.
Әртүрлі тағамдары керек емес,
Анамның тамағындай болсын дәмді.

Жұп іздеймін қалсын деп атым мәңгі,
Ата-анама бал болсын татырғаны.
Адамзаттың барлығын сүймеседе,
Анамдай сыйлап өтсін жақындарды.

Туралықпен жөн сілтеп, бағыт қылар,
Күлкісімен үй ішін жарық қылар.
Қыз іздеймін, жүзіне қарағанда,
Анамды күнде есіме салып тұрар.

---