Қабдол Нұрбибі Жұмабайқызы

Республика күніне арнау


Қандай қиын өзге елден кемдігі,
Туған елдің азаттығы,теңдігі.
Сол уақытта сыналдығой ең басты,
Туған тілмен,Туған жердің кеңдігі.

Өтті күндер бастан қайғы айрылмас,
Бұған халқым қалай жылап,қайғырмас.
Қарсы тұрып төнген қауіп-қатерге,
Заманымда ерім болды қайрылмас.

Үміт артып көп жастарға жалынды,
Жұртым менің қызылдарға бағынды.
Амалсыздан қамауға кеп ілініп,
Қоймады еш сындырмастан сағымды.

Соңында елім,жерім азат болды,
Бәрібір оған жету азап болды.
Ұмтылып көкке найза,қылыш сермеп,
Қиналғанда қорғаныш қазақ болды.

---