Қабдол Нұрбибі Жұмабайқызы

Қадыр Мырзалиевке арнау

Жауһазындай жырларыңнан сұлулықты таныдым,
От жырларың берді жанға өшпейтіндей жалынын.
Елі менен ер мінезін ұштастырған ақынды,
Байқай алсаң,керемет¬-қой үндестігін жанының.

Дәл өзіңді арнайылап сақтай білдім жадымда,
Мүшәйрада бәлкім қолдап тұрарсың жан-жағымда.
Әнұран мен қатар жүрер “Атамекен” әнің де,
Қан ойнатып,рух береді менің мынау жаныма.

Қауырсындай қаламыңмен бөлісерсің жырыңды,
Жан-тәніммен түсінермін мен сенің ой-сырыңды...
Қираған тек құлпытастар ғана емес ойлашы,
Әлі талай айтамыз ғой ашылмаған қырыңды.

---