Жақсы жол
Ұзақ та болса — жақын.
Жаман жол
Жақын да болса — алыс.

Ілмектер: жол

---

---

Жол қуған қазынаға жолығады,
Сөз қуған бәлеге жолығады.

Ілмектер: жол

---

---

Жол жүргінді
Жұртты жайға жеткізеді.

Ілмектер: жол

---

---

Аңшының ажалы аңынан.

Ілмектер: аңшы, ажал

---

---

Жол анасы — із,
Ер анасы — түз.

Ілмектер: жол

---

---

Аттылы, жаяу келеміз баяу.

Ілмектер: жол, жолаушы

---

---

Жолдасы көптің —
Жорғасы көп.

Ілмектер: жолдас

---

---

Бір күндік жолға шықсаң
Үш күндік жол азық ал.

Ілмектер: жол

---

---

Жоқ іздеген
Жоғалғанды табады.

Ілмектер: іздеу, табу

---

---

Тапқан қуанар,
Таныған алар.

Ілмектер: табу, тану

---

---

Жол қадірін, жүрген біледі.

Ілмектер: жол

---

---

Үйінен қырық қадам
Ұзап шыққан адам мүсәпір.

Ілмектер: жол, жолаушы, мүсәпір

---

---

Жаман туыстан
Жақсы жолдас артық.

Ілмектер: жолдас

---

---

Аяғы — ат, қолы — қамшы.

Ілмектер: жол

---

---

Барар жерің бар болса,
Барсаң, айран ішерсің
Барар жерің жоқ болса,
Кімге барып түсерсің?

Ілмектер: жол

---

---

Туған көп,
Туысқандай болмас,
Тұрман көп,
Құйысқандай болмас,
Жолдас көп
Уағдада тұрысқандай болмас.

Ілмектер: туысқан, жолдас

---

---

Қажымалы мың жолдас,
Жаныңда жолдас жоқпен тең.
Жанын қиған бір жолдас
Қоралы-қосын көппен тең.

Ілмектер: жолдас

---

---

Ауылдан шыққан күні
Байға қонба, сайға қон;
Бай пәле болады,
Сай пана болады.

Ілмектер: жол

---

---

Жол мақсаты — жету.

Ілмектер: жол

---

---

Жолдас,
Жолдасына жамандық қылған оңбас.

Ілмектер: жолдас, жамандық

---

---