Эссе және өлең-жыр байқауы

Қайсарлардың өзі талай қаусаған

  • admin
  • 27.04.2019
  • 0
  • 0
  • 356
Қайсарлардың өзі талай қаусаған,
Қиын тірлік, қалай тура жол салам?!
Кеп арудың біреуін-ақ сүйесің,
Пысқырып та қарамайды ол саған!
Пәле кейде, алыста емес, іргеде,
Жасап та сен үлгермейсің бір кәде.
Бір сорлының жалғыз ұлы —
Қасірет —
Бар ғұмырын өткізеді түрмеде.
Жайдақ судай кешіп жүрген жеңілді.
Нені көрді?
Нені сезді?
Не білді?
Жалғыз-ақ қыз,
Оның өзі біреуге
Келін болып,
Құлазытар көңілді.
Кейбіреудің қырсық өмір жолы да,
Бақыт құсы қонбас оның қолына.
Бір долыдан өліп-өшіп құтылған
Үйленеді тағы да бір долыға!
Өмір шіркін бір орнында тұрмайды,
Бірде жылап,
Бірде көзің құрғайды.
Ғұмыр бойы қуамыз біз бақытты,
Бізді қуып жүреді ылғи бір қайғы!

Басқа да өлеңдері

Түйіп айтсам өмірімнің мазмұнын

  • 0
  • 0

Түйіп айтсам өмірімнің мазмұнын,
Теріп те мен үлгермедім жаз гүлін.
Киіз тірлік мойтап қылып жүзімді,
Өзімді-өзім қинамаған аз күнім.

Толық

Туған жер

  • 0
  • 0

Тыртығы бар тарихтың денесінде
Туған жердің ырқына көнесің де.
Көне етіктің ұлтанын жұлып алар
Көктемдегі көк сазың әлі есімде.

Толық

Ағасы мен інісі

  • 1
  • 7

Көктайғақ тауға талпынып,
Қара тер болып алқынып,
Інісі сыйлап ағасын,
Шығады сүйреп шанасын.

Толық

Пікірлер (0)

Пікір қалдырыңыз


Жүктелуде...