Ақыл
- 0
- 0
Жақсының атын біліңіз,
Жақындап бірақ бармаңыз.
Қашықтау одан жүріңіз,
Қызықтырғанға нанбаңыз.
Қырғыз достарыма
Жұрт едің қандай жүрегің жарқын,Жер едің қандай осынша биік!
Сенімен дос боп сүйікті халқым,
Төбем бір қалды аспанға тиіп.
Көгіңдей бұлтсыз көңіліңді көрдім,
Көзіңді көрдім шұғылалы күндей.
Ұлыңдай туған еркелей бердім,
Өзімді сенен өзге деп білмей.
Жадымда қалды жатталып сөзің –
Жатсынбай мені бауырым! - дедің
Әкеттім содан өзгеше сезім,
Сақталар оттай жанымда менің.
Ұмытпан кешкі шапағын күннің,
Ұмытпан рақат тауыңның лебін,
Ұмытпан әсем жұлдызды түннің
Қиялдай ғажап шатырлы көгін.
1949
Пікірлер (1)
Пікір қалдырыңыз
Көңіл күйі
- 0
- 0
Көңілде жоқ қой өзге алаң
Үмітпен күтсең көктемді.
Көрінер күңгірт, шұбалаң
Қиялмен қусаң өткенді.
Уақыт қуып
- 0
- 0
Уақыт қуып айдады күнді ілгері,
Алыстайды өткеннің күмбірлері.
Елу жылда елменен жер жаңарып,
Ұмытылар адамның көргендері.
Қарап көріңіз
Басқа да жазбалар
Пікірлер
-
Гүлсезім
Рахмет көп көп -
құндыз
қалай 11 -
Хадиша
1 мамыр құтты болсын
Нұрзия
Керемет