Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Еркеле, жас

Әбділдә Тәжібаев

Еркеле, жас

  • 29.03.2018
  • 0
  • 0
  • 3310
Еркеле, жас, еркеле сен, еркеле,
Күнге толы, гүлге толы өлкеңе.
Шық далаға желмен бірге жарысып,
Кетші қуып қырда жортқан тағысын.
Еркеле, жас, еркеле сен, еркеле,
Шырқап берші, бір әдемі ән өлкеңе,
Шықшы тауға, ақ бұлттармен таласып,
Алысқа бір бүркіт болып қарашы.
Еркеле, жас, еркеле сен, еркеле,
Бір әсем күй шертіп берші өлкеңе.
Салшы құлаш салқын көлге, бойлашы,
Аққулармен ақ тұнықта ойнашы.
Еркеле, жас, еркеле сен, еркеле,
Күнге толы, гүлге толы өлкеңе.
Сүй еліңнің анасы мен атасын,
Ал ұмытпай ағаңның да батасын.

Әбділдә Тәжібаев еркеле жас Әбділдә Тәжібаев өлеңдері

Пікірлер (0)

Пікір қалдырыңыз

Боранда

  • 0
  • 0

Ызғырық аяз, қара түн,
Боранмен бірге келеміз,
Аспанда жоқ ай, жұлдыз,
Жарысып желмен келеміз.

Толық

Осы адам

  • 0
  • 0

Қуанам мен қараймын да таңданып,
Ажарында, я жанында кірбең жоқ,
Ішінде оның тұрған шығар шам жанып.
Ішінде оның тұрған шығар шам жанып,

Толық

Маяковскиймен әңгіме

  • 0
  • 0

Жолдас, Маяковский!
Мен де ақынмын өзімше
Ырғақ, ұйқас құрағыш,
Өзгелерді сынағыш.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер