Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Бір . . . . яш

Сәкен Сейфуллин

Бір . . . . яш

  • 31.07.2022
  • 0
  • 0
  • 632
(Келеке)

Қазаққа, татарға
«Таң» болып атарға,
«Т-р-р» ұштым, «тырыстым»
Кіруге қатарға.
Жақаңды жақтадым,
Ақаңды мақтадым.
Жүсіптен жасырып,
Сөз алдым асырып.
Абайдан абайлап,
Тоқайдан тоқайлап,
Сөз алдым білдіртпей,
Көп ойлап, «шоң» ойлап.
Онымды ақтадым,
Өздерін мақтадым.
Жай қарап жатпадым,
Сөзімді сатпадым.
Кітапша бастырдым,
Жан-жаққа шаштырдым.
«Алашқа»— алысқа,
Таяуда — танысқа.
Біреуді мақтасам,
Біреуді жақтасам,
Мені де мақтамақ,
Жанасып жақтамақ.

1916 жыл, қаңтар, Омбы

Сәкен Сейфуллин бір . . . . яш Сәкен Сейфуллин өлеңдері

Пікірлер (0)

Пікір қалдырыңыз

Қажымұқан

  • 0
  • 0

Көсілген Көкшетаудың даласынан,
Көк майса сансыз өлке саласынан.
Шолақпен тете шыққан Қажымұқан
Оралған көк Есілдің жағасынан.

Толық

Надан бай

  • 0
  • 0

Мың жылқы, мың қойым бар бір басымда,
Қызықты көріп бақтым бұл жасымда.
Бір аяқ саумал үшін малай болған
Қараша үй қоңсым бар көп қасымда.

Толық

Жайлаудан қымыз ішу

  • 0
  • 0

Бие байлап, қымыз құяр уақыт болды,
Кәрі-жас, малшы, мырза үйге толды.
Шығыршықты піспекті сылдырлатып
Керіліп жігіт пісті қара көлді.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер