Өлең, жыр, ақындар

Долорес

  • 11.07.2022
  • 0
  • 0
  • 382
Нар кескен өткір қылыштай.
Жауға қарсы ту ұстай,
Шыққан жалын Долорес!
Жалын шашқан жорықтан,
Найзағайдай бұлт жыртқан
Жарқылда да тартынба!
Алуан ерлер артыңда
Фашистердің торын кес!
Террорлардан тараған,
— Ала тулы — аламан,
Халыққа қас қанды қол,
Қарақшы ылғи қанды жол,
Қан қақалмай қолың тарт!
Я көндіру, я сөну,
Я жеңілу, я жеңу,
Я көндіру, я сөну,
Я өлтіру, я өлуі
Майданға, майдан осы шарт!
Снаряд, пушка, бомбадан
Қара боран долданған,
Долданған да қар жауған,
Қар емес, қанды оқ жауған
Өршеленді ұлы егес,
Испанды еркін ел қылу,
Қалауым — халқын ер қылу,
Дұшпандарын жер қылу,
Жарқылда, елмен өрлей өс!
Жалында, жарқын — Долорес!

1937



Пікірлер (0)

Пікір қалдырыңыз

О, тоба!

  • 0
  • 0

Кей дүмше бар, ақынға тісін қайрар,
О, тоба! –болсайшы өз күшін де ойлар!
Өзі өлеңді түсінбей, ақынға өлең
Үйретпекші болады осындайлар...

Толық

Қысқы кеш

  • 0
  • 0

Қара боран көкті жапты,
Қарлы құйын қуалай.
Кейде ұлыған аң сияқты,
Кейде жылайды баладай.

Толық

Жаз

  • 0
  • 0

Аймағымды аялап,
Алтын қанат туса жаз;
Айдын көлді қиялап
Қаңқылдап ұшар үйрек, қаз.

Толық

Қарап көріңіз