Өлең, жыр, ақындар

Тұтқын

  • 11.07.2022
  • 0
  • 0
  • 488
(Шетте қапастағы төңкерісшіл тұтқынға арнап)

Күнбатыста көрем бұлттың түнеуін,
Көгінде ай жоқ... қайғылы түн түнегін.
Сол түнекте, қанды жасы кел болып,
Қандай ғана жан жылауда білемін;
Тас қараңғы сұм түрменің ішінде,
Талықсытып қайғы тілген жүрегін.
Темір торлы терезеден қызартып,
Қанды жалау көрсетіп тұр тілегін.
Ол еңбекші ер, тұтқындағы таймаған.
Төңкерістің сұңқарлары сайраған.
Жалын болып, жалпы жалшы таңы үшін,
Жүрек оты жай тасындай қайнаған.
Баста бұғау, қол-аяқта көк кісен,
Шынжыр салып шұбар тестер зорлаған.
Жоқ... күлкі жоқ.
Жоқ бетінде тамшы қан,
Шет капитал зынданында зарлаған...
Жаралы жан, Қайғыланба қапалы,
Арда күшің, темір торды қырқады!
Қара түнде, тұншыққаның қаныңа,
Жаны бірге жалшы тапқа батады.
Әне, ұран, ұш сұңқарлар жас қыран!
Әне, таңның сары алтынды шапағы.
Әне, теңдік туын көкке ел кетерді,
Әне, әне... саған да таң атады!



Пікірлер (0)

Пікір қалдырыңыз

Өлең — сенің құлың емес

  • 0
  • 0

Пысықсынған кей «шыншылға»
Жөн бе, — жырды бұйықтыру?
Қажет дер ем: шын сыншыға —
Өлеңнен де биік тұру!

Толық

Костер жыры

  • 0
  • 0

Әңгіме ғып жазғанда
Лаулап жанған костёрді,
Алайық еске аз ғана
Балалық қызық дәстүрді.

Толық

Қыздың жыры

  • 0
  • 0

Тосып тұрып суға келген жерімнен,
Құшақтадың иіп қыпша белімнен,
Содан бері бір шықпайсың есімнен,
Сағынсам да көре алмадым сені мен.

Толық

Қарап көріңіз