Өлең, жыр, ақындар

Дұға

  • 19.05.2022
  • 0
  • 0
  • 550
Құшатындай шапағатты таң нұрын,
Жалбарынам, жалынамын, тәңірім,
Өтінбеймін өз басымды құтқар деп,
Тапсырамын бір сорлының тағдырын.
Емес маған жалғыз басым уайым
Жалбарына, жалына кеп сұрайым,
Бұл тірлікте панасыз бір сорлыны –
Соны өзіңе тапсырамын, құдайым.
Осы қызға мол бақыт бер, ерік бер,
Жаны ашитын жанына бір серік бер,
Уа, жаратқан, сол байғұсқа мейірмен
Ұзақ өмір, жарқыраған көрік бер.
Атар таң мен батар күннің алдында,
Мен тілеймін жалбарына, жалына,
Періштедей ақ тілеуін арудың
О, тәңірім, көз жасы үшін қабылда.
Айырылыстық, әйтсе де суретіңді
Жүрмін сақтап төсімде әлі күнге,
Жақсы жылдар елесі сол секілді
Разы боп барына жаным мүлде.
Бой ұрып қусам не бір құмарлықты,
Кете алмаймын тек қиып сол суретті:
Ел кеткенмен, тұрады храм мықты,
Қастерлесең - сол тәңір құдіретті.



Пікірлер (0)

Пікір қалдырыңыз

Асмодейдің тойы

  • 0
  • 0

Шайтан тойы. Топырлап келе жатты
Түрлі ұсақ жын, аруақтар бәрі мұнда,
Қопарып кухмейстрлер бар тамақты
Қалтыраған күзетші тұрды ауызда.

Толық

Құдірет қызына

  • 0
  • 0

Көрсем мен сенің бейнеңді
Бейуақта бейіш төрінен,
Өртесең менің кеудемді
Есті алып сиқыр өңіңмен,

Толық

Сарғайып сағынышпенен

  • 0
  • 0

Сарғайып сағынышпенен
Дерт меңдеп, солдым мен көктей.
Өзіңмен қайырласпақ ем
Қоштастық салқын бірбеткей,

Толық

Қарап көріңіз

Басқа да жазбалар