Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Жылатып өмір жұбатар

Қанипа Бұғыбаева

Жылатып өмір жұбатар

  • 06.11.2021
  • 0
  • 0
  • 455
Жылатып өмір жұбатар,
Келіс, мейлің, келіспе.
Тірінің бәрі күнәһар,
Өлгеннің бәрі періште...
У- шуына базардың,
Барады бәрі асығып.
Жібіне бір күн ажалдың,
Қаларын білмей асылып.
Жүрек без бе, темір ме,
Мұнарға тұр батып тау.
Өлімі бар өмірге –
Келмеген жан бақытты-ау!
Бірі жанып, бірі өшкен,
Жұлдызды кім танымақ?
Тірілерге тірескен,
Араша түсші «аруақ»!
Дүниеде мына, тар,
Жету қиын жеңіске.
Көңілім кейде күнәһар,
Өлімім бейне періште...

Қанипа Бұғыбаева жылатып өмір жұбатар Қанипа Бұғыбаева өлеңдері

Пікірлер (0)

Пікір қалдырыңыз

Таулар, таулар!

  • 0
  • 0

Таулар, таулар, сырларыңа қанықпын,
Тас төбеңнен көтерілер талып түн,
Бітіміңмен қайсарлықты паш еткен
Сен деп білем көкірегін алыптың.

Толық

Сәби-қар

  • 0
  • 0

Қар жауып тұр, қарашы, қар жауып тұр,
Ақ қанатты аспаннан ар жауып тұр.
Көкпен жердің арасы ақпандағы,
Тазалықпен тұрғандай жалғанып бір.

Толық

Астанаға

  • 0
  • 0

Ерліктің ел қолдаған бастамасы,
Алдыңда асатын бел, асқар асу.
Төсінен Сары арқаның бой көтерген,
Астана Қазақстан бас қаласы.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер