Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Жарыс

Айтқали Нәріков‎

Жарыс

  • 27.11.2015
  • 0
  • 0
  • 2612
Тіршілікте ұлы дүбір - жарыс бар,
Меже шіркін бірте-бірте алыстар.
Өмір бойы мақсатына жете алмай,
Өтіп жатыр пенделер мен арыстар.
Жас жеткіншек арман толы жүрегі,
Кеткендердің ізіменен жүреді.
Оны біраз жерге шейін апарар,
Өз ақылы, сосын мықты «тірегі» ...
Алғаннан соң буын бекіп, ержетіп,
Екі жаңтан сүйрейді оны өрге тік.
Жетер жерін бағдарлайды, байқайды,
Ал сынауға келген кезде ел жетік.
Биік пе, әлде, аласа ма өресі,
Құтылмайды ол тағдырынан көресі.
Тындырғаны татымды, әлде, татымсыз,
Шын бағасын береді ұрпақ келесі!

Жарыс Айтқали Нәріков‎ Айтқали Нәріков‎ өлеңдері

Пікірлер (0)

Пікір қалдырыңыз

Оян - өскен ауылым

  • 0
  • 1

Жалғандық жалқынына боялмаған,
Жайым бар тек шындықтап ой ақтаған.
Кіндігі жұмыр жердің сияқтанып,
Әрдайым көрінеді Оян маған.

Толық

Жазмыш

  • 0
  • 0

Басыма үйіп-төгіп нала-мұңды,
Тұқырта берді тағдыр талабымды.
Жүрсе де көңілімнің күйі келмей,
Қайтадан алдым қолға қаламымды.

Толық

Серт

  • 0
  • 0

Сіміріп aп таңғы ауаның тұнығын,
Зыр жүгірем, тыным алмай күнұзын.
Бір қызықтан, шақырады бір қызық
Мойыныма сілтеп жиі «құрығын».

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер