Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Айттым сәлем сағынып

Несіпбек Айтұлы

Айттым сәлем сағынып

  • 21.10.2021
  • 0
  • 0
  • 416
Айдың жүзі,
Күннің көзі
Ақ шуағын шашқанда;
Дүние балқып,
Көңіл шалқып,
Гүлдер көзін ашқанда;
Самал есіп,
Сағым көшіп,
Сарғая бір тосқанда;
Жаным шөлдеп,
Көрінсең деп,
Сені жырға қосқанда.

Қайырмасы:
Келші жайнап,
Желмен ойнап,
Гүлден алқа тағынып.
Жарқын жаздан,
Аққу-қаздан
Айттым сәлем сағынып.

Айдың жүзі,
Күннің көзі
Жарқыраған жалғанда,
Сенетұғын,
Келетұғын
Сенен басқа жан бар ма?
Төгілдіріп,
Егілдіріп,
Құстар әнге салғанда,
Өзіңді аңсап,
Мөлдір моншақ,
Қара көзден тамғанда.

Қайырмасы.

Несіпбек Айтұлы айттым сәлем сағынып Несіпбек Айтұлы өлеңдері

Пікірлер (0)

Пікір қалдырыңыз

Налыма бекер

  • 0
  • 0

Аймалап шуақ маңдайын өпсе,
Түнерген жартас жадырар.
Тамыры сусап, таңдайы кепсе,
Жапырақ біткен жабығар.

Толық

Көк түтін боп...

  • 0
  • 0

Мен тұрмын шулы қала ішінде,
Түк көрмеген, түк сезбеген пішінде.
Жасырғаным – таңдайымның астында,
Талшық қылған тарамысым – тісімде.

Толық

Бақыт босағасы

  • 0
  • 0

Астана нұрға бөлеп шартарапты,
Қанатын қуаныштың серпе қақты.
Елорда босағасын биіктетіп,
Орнаттық алып қақпа салтанатты.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер