Өлең, жыр, ақындар

Ей, тағдырым!

  • 03.10.2021
  • 0
  • 0
  • 447
Аспанымда күнім жайнап тұрғанда,
Ей, тағдырым, тас түнерме, тұлданба!
Шаттығыңның шуағына шомылдыр,
Жаным жылап, жанарға жас тұнғанда.
Мұңын шағар мұңлық біткен тіл барда,
Құлақ қайсы оны бірақ тыңдарға?
Бозторғайды боршалаған қырғидай,
Ел-жұртымды жұлмалатпа сұмдарға.
Жүгімді артып жылжып өткен жылдарға,
Сынаптайын сырғып кетсем сын бар ма?
Орал тауын он айналып еңіреп,
Алтай тауын алты айналып тынғанда.
Жарылқарын өзі білер кімді Алла,
Құтқарарда қайғыдан да, мұңнан да.
Болмай ма екен тарыққанда бір тілек,
Құлақ кесті, қара табан құлдан да.



Пікірлер (0)

Пікір қалдырыңыз

Күлтегіннің көктасы

  • 0
  • 0

Ұлы таулар, тебірен, жата бермей шалқалап,
Ұлы дала рухына басын иді шартарап.
Тәңірінің біздерге көктен түскен сыйындай,
Көктас көшіп келеді тарихымды арқалап.

Толық

Әке туралы жыр

  • 0
  • 0

От орады дала, тауды, орманды,
Бомбалардан бітпес жара – ор қалды...
Дәті бармай зобалаңды көруге,
Ұясынан Күн шығуға қорғанды.

Толық

Жақсылыққа зар болып

  • 0
  • 0

Аспан мен жер ортасында біраз ғұмыр кешірдім,
Әлсіреген үміт отын мың жағып, мың өшірдім.
Құрқылтайдың ұясындай қалтыраған бұтада,
Жел аударған қара қосты әр төбеге көшірдім.

Толық

Қарап көріңіз