Өлең, жыр, ақындар

Біржан туған жерде

  • 26.09.2021
  • 0
  • 0
  • 399
Шығандығы шыңдардың
Біржан әні секілді.
Алыс жатқан мұң бар бір —
жырлағаны секілді.
Бүлдіргендер бір түрлі
"Ханның асы" секілді.
Ақ қайыңдар үкілі
домбырасы секілді.
Жапырақтары аққудың
таранғаны секілді.
"Айна көлі" ақынның
адал жаны секілді.
Қыз аңдыған тал ұстап,
ісі бейпіл секілді.
Шідерлі аты алыста
кісінейтін секілді.
Ару қыздар көп еді —
таңдағаны секілді.
"Біз қартайдық", — дегені
алдағаны секілді.
Бурабай көл сырғыса
тамсанатын секілді.
Шертіп қалсаң сұр бұта
ән салатын секілді.
Тас өзегін жыр кернеп
тіліп тұрған секілді.
Біржан ағам бұл жерде
біліп туған секілді.



Пікірлер (0)

Пікір қалдырыңыз

Құм жырлары (1 басылым) цикл

  • 0
  • 0

Сол ауылда Әшім деген бір шал бар,
Қол тигенде барып-кетіп тұрсаңдар.
Ұялмаңдар – өзі алдыңнан шығады,
Бірақ оның естімейді құлағы.

Толық

Шүкір, шүкір!

  • 0
  • 0

Мен бар екем,
Ояу екем бүгін де.
Шүкір, шүкір бүгін де естіп отырмын
Құстар даусын,

Толық

Жалғыз желкен жалтылдап...

  • 0
  • 0

Жапан түздің желін аңсап жан қызды, ал,
арман, үміт — бізді айдында алғызған.
Біз — флотпыз жекелерден құралған,
желкендерден:

Толық

Қарап көріңіз