Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Бақыт сияқты...

Алма Түсіпбекова

Бақыт сияқты...

  • 17.09.2021
  • 0
  • 0
  • 226
Мән берместен сөзіме,
Кеттің тірлік солына.
Тамшы толды көзіме,
Жуа бітіп жолыма.
Аласарды аспаным,
Ай тұтылды тағы да.
Жазылмады дастаным,
Жырым қалды жабыға.
Жалған мені жасытты,
Жігерімді құм қылып.
Келген бақыт асықты,
Сағымды да сындырып.
Өксіп менің өткенім,
Шыдамымды тауысты.
Көңілдегі көктемім,
Қоңыр күзге ауысты.
Бермес бұған жан шыдас,
Самғасам да талмай шын.
Тасқа тамды тамшы жас,
...Тіршілік-ай, қандайсың?..
Тек...
Сенімен ғажап күн,
Көңілімнен күй ақты.
...Сенен көрген азаптың,
Өзі бақыт сияқты...

Алма Түсіпбекова бақыт сияқты... Алма Түсіпбекова өлеңдері

Пікірлер (0)

Пікір қалдырыңыз

Сенің күлкің

  • 0
  • 0

Иығымнан жүк түсірген жүз батпан,
Көз жасымды құрғатқан.
Сәлем алып келген маған нұр-бақтан –
СЕНІҢ КҮЛКІҢ!

Толық

Тек сенің есіміңді айта бердім...

  • 0
  • 0

Болсын деп сол мазасыз шақтар ұмыт,
Мен саған сырымды айтам ақтарылып.
Екеуміз еркін жүріп сырласайық,
Құдайым салмасыншы баққа құлып.

Толық

Құмырсқа мен Ибраһим пайғамбар

  • 0
  • 0

Сен өмірде көріп пе едің құсаны,
Сені өмірде толқытты ма құс әні?
... Тірілерге тағылымы тым терең,
Айтайын ба мысалы?..

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер