Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Саған деген

Мағиза Құнапияқызы

Саған деген

  • 12.09.2021
  • 0
  • 0
  • 317
Жанарыңнан жарқ етті тосын ұшқын,
Құдіретіне таң қалам осы күштің.
Саған деген қаймақты ойларымды,
Тәңертеңгі шайыма қосып іштім.

Бірі едім өзіндік еркі бардың,
Қалмай ерік өзіңе елітіп алдым,
Үйде жалғыз қалдырғым келмей сенің,
Елесіңді қасыма ертіп алдым.

Көргенімді елеске айтып бердім,
Сымбатың бар қасындай айшықты ердің.
Саған деген сенімнің білегінен,
Ұстап алып үйіме қайтып келдім.

Шумағына айналып өзің жырдың,
Жан сарайын мекендеп кезіп жүрдің.
Саған деген әдемі қиялымды,
Жамылып ап алаңсыз көзімді ілдім.

Мағиза Құнапияқызы саған деген Мағиза Құнапияқызы өлеңдері

Пікірлер (0)

Пікір қалдырыңыз

Кетіп барам

  • 0
  • 0

Сезім тұнық, сыр тұнық, тұнық бәрі,
Көздеріңде қалған ед тұнып нәрі.
Неше ғасыр өткенін біле алмадым,
Сен кездесіп өзімді ұмытқалы.

Толық

Әке

  • 0
  • 0

Көрмеген соң көсеуге де таң қалып,
Көп ұмтылдым биіктерге қарманып.
Әке сенмен бірге кеткен бақытты,
Мына өмірден көп іздедім сандалып.

Толық

Қоңыр мұң

  • 0
  • 0

Кешке жақын баспалап кеп қоңыр мұң,
Көрпеге емес қоңыр ойға көмілдім.
Аңдып тұрып сен келмейтін мезгілді,
Бассалғанын сездің бе сен, не білдің?

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер