Өлең, жыр, ақындар

Өмір деп нені айтар ек

  • 28.07.2021
  • 0
  • 0
  • 293
Көгершін көңіл қалықтап,
Қанатын жайды алысқа
Бағыты барар шарықтап,
Бейтаныс әрі таныс та.
Беймаза жүрек шымырлап
Қиналады қам ойлап.
Кінәмшіл күдік сыбырлап,
Шығады үрей атойлап!
Жетекке алған жүйріктей
Жетеді сол сәт жақсы үміт.
Үрейді қуып аулаққа
«Тұр!» – дейді әне жақсылық.
Үмітсіз өмір не болмақ,
Жетелер жігер, жеңіске?
Сүрінуде де ғибрат бар,
Ғибрат бар тіпті кейісте.
Күрестің мәні не болмақ,
Итжығыс түсіп жатпасаң?
Тәттіні қалай танисың,
Ащыны, сірә, татпасаң?
Кешегі күнгі жақсылық
Қуантпайды қайта кеп.
Үмітсіз, күдік, күрессіз,
Өмір деп нені айтар ек!



Пікірлер (0)

Пікір қалдырыңыз

Наз

  • 0
  • 0

Тірімде «соны қойшы» деп,
Күдерді әбден үзесің.
Көз жұмсам «ғажап еді-ау» – деп,
Қадірімді айтып тізесің.

Толық

Хан деңіз, қара деңіз бәрі шартты

  • 0
  • 0

Хан деңіз, қара деңіз бәрі шартты
Дәреже, атақ, даңқты кімнен артты.
Адамдар қолдан жасап мұның бәрін,
Жіліктің майлы басын өзіне тартты.

Толық

Күніндей жаудыраған астананың

  • 0
  • 0

Күніндей жаудыраған астананың,
Тәтті бір қылығыңдай жас баланың,
Еркелеп оралды өлең елемей-ақ
Өзгенің маған деген қас-қабағын.

Толық

Қарап көріңіз