Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Туа біткен қандай көрік

Сәкен Иманасов

Туа біткен қандай көрік

  • 28.05.2021
  • 0
  • 0
  • 275
Туа біткен қандай көрік,
тамсанумен құрғады үн.
Тамыздағы таңдай болып,
тамылжып-ақ тұрғаның!
Жыл бойына жұрт үкілеп
жеке баққан құлындай.
Жанарыңа күлкі түлеп,
жәудіреген түріңді-ай!
Қарай-қарай көңілі ауып,
қара бассын дедің бе,—
бұлдырықтай омырауың,
қылдырықтай белің де.
Жүрсін деп пе ең дымы құрып,
үміті де үзілмей,
Еріндерің тұр үгіліп,
енді піскен жүзімдей.
Тасып аққан Іледейін,
толық қара бұрымың.
Қалай ғана жүдемейін,—
құрттың мені, құрыдым!..

Сәкен Иманасов туа біткен қандай көрік Сәкен Иманасов өлеңдері

Пікірлер (0)

Пікір қалдырыңыз

Бетін емес, шетін беріп

  • 0
  • 0

Бетін емес, шетін беріп,
кетті ме деп өмір ұдай,
аш арыстан секілденіп,
аласұрған көңілім-ай!...

Толық

Түс көрем

  • 0
  • 0

Қызық бір түстер көрем мен:
біресе ақбоз ат мініп,
құйғытып ала жөнелгем,
қап-қара бұлтты қақ тіліп.

Толық

Тағы да алдандым-ау, алдандым-ау

  • 0
  • 0

Тағы да алдандым-ау, алдандым-ау,
жанымды қайда қоям қалған мынау!
Кім екен шыбынымды шырылдатып,
қылғынтып,

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер