Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Өмірім менің

Гүлманат Әуелхан

Өмірім менің

  • 03.02.2021
  • 0
  • 0
  • 729
Жарқырап тұрған жақұтым ба едің,
Басыма қонған бақытым ба едің.
Сандалып бекер сағымды куып,
Өтіпті талай уақытым менің.

Адасып қалған арманым ба едің,
Арайлап атар таңдарым ба едің.
Бұлбұл бір ғұмыр бағында салған,
Құмарта шырқар таңғы әнім ба едің.

Көктемнің нұрлы шуағы ма едің,
Сезімнің кәусар бұлағы ма едің.
Жауабын таппай өмірдің тылсым,
Шешілмей келген сұрағы ма едің.

Үлбіреп тұрған үмітім бе едің,
Бақытқа құштар көңілім бе едің.
Атақтарға арзан бой ұрмайтұғын,
Елеусіз менің өмірім бе едің.
Өмірім менің…

Гүлманат Әуелхан өмірім менің Гүлманат Әуелхан өлеңдері

Пікірлер (0)

Пікір қалдырыңыз

О, Арман–ай

  • 0
  • 0

О, арман-ай елесіңе арбалдым,
Шақырады таңғажәйіп таңдар мың
Ен далада жалғыз жортып түн қатам,
Менің бейбақ арманымды жалғар кім..

Толық

Көктеміне көңілдің шуақ шашқан...

  • 0
  • 0

Көктеміне көңілдің шуақ шашқан,
Басымды ием мен саған қуатты аспан.
Жүрегімнің түбіне жасырынған,
Қасиетті Тәңірім бұлақты ашқан.

Толық

Қара түнді қақ жарып аласұрдым

  • 0
  • 0

Қара түнді қақ жарып аласұрдым,
Арғымағын көңілдің таң асырдым.
Алтын нұрын төбемнен себелетіп,
Құшағын ашты тағы жанашыр күн.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер