Өлең, жыр, ақындар

Әдемі-әдемі...

  • 02.11.2020
  • 0
  • 0
  • 2041
Әдемі-әдемі түстердей тартымды,
Нұр болып төбеден түскендей жарқыл-ды.
Алтынға ұқсатам көз тартар, жо-жо-жоқ,
Керісінше, мен оған ұқсатам алтынды.

Керімсал найқалған, жарасқан сырбаздық,
Сүйкімді, ерекше қылық бар бір наздық.
Жүректі жаулайды, тілекті баурайды,
Көгімді жаз етіп, көңілімді жүр мәз ғып.

Жаратқан не деген шебер-ед, өнерлі-ед,
Бір мінсіз жасаған сұлу ғып мәнерлеп.
Жұмақтан әдейі біздерді таң қылып,
Бір күштің барын ол келгендей дәлелдеп.

Ия, сөзсіз, еріксіз қақтырды таңдайды,
Дидары теңеусіз, бітімі қандай-ды.
Ибалы, әдепті, иманы жетерлік,
Кіршіксіз ондайды сүймеуге болмайды.

Ұнатып талайды, пәленді-түгенді,
Мың ғашық болыппын, Шын ғашықпын енді.
Ал қызыл жұпарлы гүлдерден тоқылған,
Жүректің төріне төседім кілемді.
Келе ме?...



Пікірлер (0)

Пікір қалдырыңыз

Ілестім. Жеткізбедің

  • 0
  • 0

Ілестім. Жеткізбедің.
Амалын текке іздедім.
Қалада қыз көп, бірақ,
Дәл сендей жоқ қыз дедім.

Толық

Утопия

  • 0
  • 0

Нені және білмедім, кімді іздедім,
Жалғыз жанған таңдағы жұлдыз ба едім.
Күні ме едім ақпанның отызыншы,
Енбей қалған ішіне күнтізбенің.

Толық

Мен және ол

  • 0
  • 0

Мен менсінбегем.
Ғашық болса алдыма келсін дегем.
Сұлуларды қос-қостан сүйіп жүріп,
Серілерден өзімді кемсінбегем.

Толық

Қарап көріңіз