Өлең, жыр, ақындар

Өтті соғыс

  • 02.09.2020
  • 0
  • 0
  • 898
Өтті соғыс.
Зіл-заласы қалды артта,
Бас иеміз мәңгі алауға, мәңгі отқа.
Бас иеміз монументке, белгіге,
Сиреп қалған маршалдарға, солдатқа.
Бас иеміз, жесір ана, жетім ұл –
Бір шаңырақтың маздап жанған оты бұл.
Бас иеміз,
Бас иесің,
Бас иіп,
Көкірегіңе құйттай сырды тоқы бір.
Бас иеміз,
Бас иеміз бәріне,
Соғыс кәрін көрген жасқа кәріге.
Туған жерін,
Ұлы Отанын сүйгендер
Ұлы Отан соғысымен әлі де
Рухтанар,
Арқаланар,
Кектенер!
Егер балаң солай етсе «тек» деме!
Соғыстардың заңдылығын үйреткен
Өкпелесең, тек тарихқа өкпеле!



Пікірлер (0)

Пікір қалдырыңыз

Нөсерлеп өтті жаңбыр

  • 0
  • 0

Нөсерлеп өтті жаңбыр,
Аспанды күркіретті.
Көкжиек ала шабыр,
Астарын жыртып өтті.

Толық

Дүние зыр-зыр

  • 0
  • 0

Дүние зыр-зыр
Көзден бұл-бұл
Дем арасы ұшар ма?
Қағып шылбыр,

Толық

Келін

  • 0
  • 0

Ауыл арты айдын көл – қардың суы,
Қар суына қосылған жаңбыр суы.
Тұщы суға барады қыз-келіншек,
Табанына шашырап шалғын шығы.

Толық

Қарап көріңіз