Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Салыстыру

Абзал Бөкен

Салыстыру

  • 21.07.2020
  • 0
  • 0
  • 1200
Сен не деген жүректі ең,
Салыстыра салмақтар.
Бағамдасаң білекпен,
Бұйым емес бармақ-хал.

Бас білемін басты арқау,
Басы жоқтың кемі шын.
Төбешік те асқар тау,
Төмен жатқан дөң үшін.

Мәнісі бар мұның да,
Мәтін болмас құранды ой.
Шіркей үшін шыбын да
Шіреп ұшар қыран ғой.

Дәлеңкедей қалыбын
Далитсаң да тегештей,
Айғай-ақын бәрібір
Айдай ақын емес қой.

Баға берер байыппен,
Болам десең көреген –
Қайықты өлше қайықпен,
Кемені өлше кемемен.

Абаданға қабаған
қанден үрсе, сол – қайғы.
Ұлы – ұлы.
Ал, оған
салыстырма болмайды.

Абзал Бөкен салыстыру Абзал Бөкен өлеңдері

Пікірлер (0)

Пікір қалдырыңыз

Қан

  • 0
  • 0

Баяғыда, баяғыда…
Масқара,
Алматыда «Жалын» деген баспада;
Жұмекеннің қолжазбасын көрдім мен

Толық

Сияқтану

  • 0
  • 0

Басқалардан биік қойған мұратын
Секілденем бәрінен де ірі ақын.
Көкбұлақтың тапқан ең бір тұнығын,
Көк құрақтың тапқан ең бір шұратын.

Толық

Маған түк те керегі жоқ сенсеңіз

  • 0
  • 0

Маған түк те керегі жоқ сенсеңіз,
Қажет емес қызмет пен кеңсеңіз.
Сыйлығың да,
Атағың да,

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер