Өлең, жыр, ақындар

Қызғыш

  • 12.07.2020
  • 0
  • 0
  • 2333
"Отаным, саған айтамын!"
Мұқағали

Өлсем сенің босағаңда өлемін,
Ақындарын ардақтаған өр елім.
Иесі бар иттер талап жатса да,
Киесіне шағынбаған бөрі едім.
Тозаң басқан тарихымды тозбасқа,
Ниет қылып күнде шалам бозқасқа.
Ұл қыламын десең сенің құлыңмын,
Құл қыламын десең егер... соз басқа!
Қақпадағы қақпан боп,
Жауымды да бірінші боп атқам жоқ
Әлдеқандай күн туғанда басыма,
Әлдекімдей Отанымды сатқам жоқ.
Ханның кенже баласындай ұл едім,
Ауырады жүрегім.
Бас қалада баспанасыз Қасымдай,
Қаңғып жүріп тілеуіңді тіледім.
Мұң жоқ менің мұңымдай,
Шыбын жаным шырылдайды шыбындай.
Саған қарап оқырана беремін,
Қасқа айғырдан төбел туған құлындай.



Пікірлер (0)

Пікір қалдырыңыз

Шешім

  • 0
  • 0

Жұлдыз ақты.
Жұлдыз ақпай тұра ма?!
Тағы бір жан нүкте қойып күнәға...
Аманатын сұрап келсе,

Толық

Өмір

  • 0
  • 0

Менің жаным аппақ емес, қап-қара,
Қапияда от тигендей мақтаға.
Қарап қоям айнасынан уақыттың,
Маңдайдағы тағдыр дейтін тақтаға.

Толық

Муза

  • 0
  • 0

Жүректі қайнар қанға толғызып сан,
Сен келсең түн қойнында өргізіп ән.
Сытылып шығып кетіп, сені құшам
Жанымда жатқан жүмақ хор қызынан.

Толық

Қарап көріңіз