Өлең, жыр, ақындар

Сібір сарыны...

  • 04.05.2020
  • 0
  • 1
  • 1027
Оймякон деген Ой мекен,
Ойылып түскен ой ма екен?
Сақылдап тұрған ойпатты,
Сахалар не деп қойды екен?
Сусуман деген су ма екен,
Сусыған сырма, қу ма екен,
Сырғанақ тағдыр сұмдығы,
Кімдерді мұнда қуды екен?
Колыма деген көл ме екен,
Темірдей шеңгел, қол ма екен,
Зәбірі батқан замана,
Кімдерді мұнда көмді екен?
Аямай түссе қолына,
Аязы қатты Колыма,
Қаншама жанды жұтты екен,
Қалдырмай белгі соңына?
Магадан деген маған ба?
Нөмірлер ілген баған ба?
Тарландар тордан телміріп,
Тағдыры қалған табанда!
Хандыга бәлкім, қан доға?
Алданға қаның тамды ма?
Қаншама нахақ қан ішіп,
Құмарың, заман, қанды ма?
Қол үзіп қиқу, дүбірден,
Күйініп өткен күбірмен,
Сағым боп кеткен сырттанның,
Сарыны келер Сібірден!



Пікірлер (1)

Айша

Әдемі жазылған

Пікір қалдырыңыз

Лайк пен лайық

  • 0
  • 0

Досым тақты айып:
- Кеттің серттен тайып,
Фейсбукта маған,
Баспайсың! – деп лайк,

Толық

Ақыл керек...

  • 0
  • 0

Қарамастан адалға да,
Арамға,
Жеп жатырмыз,
Бәрін жауып заманға,

Толық

Өмір сынағы

  • 0
  • 0

Жанталасқан дүние
Жаралайды жаныңды.
Сол жараның уыты
Аралайды қаныңды.

Толық

Қарап көріңіз