Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Тамшы жас

Мылтықбай Ерімбетов

Тамшы жас

  • 21.04.2020
  • 0
  • 0
  • 791
Тамшылаған тамшы жас,
Тама берме көзімнен.
Тиген болса тасқа бас,
Қате кетті өзімнен.

Өз жанымды қинайын,
Өз жолымды табайын.
Есімді өзім жинайын,
Есіркеме, ағайын.

Бұл өмірден мен кетем,
Талқан болар төзім де.
Жылап тұрған мен бе екем,
Жылап тұрған көзім бе?

Тереземді ұрғанмен,
Тесілмейді әйнегім.
Малмандай боп тұрғанмен,
Тез кебеді көйлегім.

Жалаңаяқ шық кешкен,
Балалығым қалды артта.
Қайғылар да шықты естен,
Ұмытылды бақыт та.

Тамшылаған тамшы жас,
Сырғанайсың бетімде.
Мен қабір боп қара тас,
Қалам жолдың шетінде.

Тамшы жас Мылтықбай Ерімбетов тамшы жас Мылтықбай Ерімбетов өлеңдері

Пікірлер (0)

Пікір қалдырыңыз

Түнгі оттар

  • 0
  • 0

Жүрген жерім серуендеп – қала маңы,
Жанған отқа құмарттым даладағы.
Шетке шығып шаһардан алаулатып,
Отыр өңшең қазақтың балалары.

Толық

Арыстанбап құдіреті

  • 0
  • 0

Қаңбақтай қара шал барып,
Арыстанбаптың алдына.
Кемсеңдей жылап, жалбарып,
Дұғасын оқып алды да:

Толық

Түрікмен көрші

  • 0
  • 0

Қос тамшыдай тағдыры,
Екі кедей бар еді.
Бірі – қазақ, ал бірі,
Жас түрікмен бала еді.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер