Өлең, жыр, ақындар

Су сұлуы

  • 06.06.2019
  • 0
  • 0
  • 2574
Гүрілдеп тәкаппар су тулап, тасып.
Шайқалып арнасынан лықсып асып,
Түнерген, тор жамылған түн ішінде,
Булықты, ашуланып асып-сасып.
Тулаған толқын толқып гүрілдейді,
Басқа ызың су үнінен білінбейді.
Толқындап иреңдеген асау арда,
Қыз емшек шықпай асып дүрілдейді.
Көпіріп көбік шашқан бура құсап,
Булығып, арпалысып, буып тұсап,
Артыла иығынан бір-бірінің
Бұралып, асып келіп, жайып құшақ.
Түнерген тас қараңғы түн ішінде
Тасқынға келдім төніп су ішуге.
Керемет долы толқын көкке шапшып
Тым ірі екен ерсі өз күшінде.
Еңкейіп, суға ұмтылдым ішпек болып,
Алмаққа сусап келген, қанып тойып,
Алдымнан сонда бір қыз қарсы шығып,
Жүректі тітірентті түсі суық.
Жүрегім суылдады пері ме деп,
Қашаннан ғашық болып жүрген іздеп.
Дегенмен күлім қағып сып-сыпайы,
Мезетте денесіне киді желек.

1939



Пікірлер (0)

Пікір қалдырыңыз

Өмір

  • 0
  • 0

Өмір бейне қызыл гүл
Қызарад та солады.
Өмірде адам тұрғанда
Түбі өлместей болады.

Толық

Достық

  • 1
  • 3

Мен сүйген бір-ақ сөз бар достық деген,
Ұзақ жол үзілместей жүрегімнен.
Қадірлі жан қиярлық достар болмақ,
Сүйдім мен сол достарды шын жаныммен.

Толық

Құтты қонақ

  • 0
  • 0

Домалақ жер шарымен
Шыркөбелек айналып,
Келе жатты қарт адам
Қолында айна толғанып.

Толық

Қарап көріңіз