Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Салдырып жай жаңадан

Тұрмағамбет Ізтілеуұлы

Салдырып жай жаңадан

  • 29.05.2019
  • 0
  • 0
  • 819
Салдырып жай жаңадан,
Сұлулап, сырлап, ақтапты.
Керегіңді түгендеп,
Келтіріп Кеңес тоқтапты.
"Кемісі жоқ" деп көргеннің,
Барлығы да мақтапты.
Әр қайсыңды ардақтап,
Оңаша қойып сақтапты.
Осы еңбегін еш қылып,
Етпеңдер ішін сатпақты.
Қарындашпен қаралап,
Салмандар сызып шатпақты.
Тақтайды лас етпеңдер,
Кешіп келіп батпақты.
Тартып болып шылымды,
Әдет ете көрмеңдер,
Бет алдына атпақты.
Және-дағы жай келіп,
Үйге барып ертерек,
Ойламаңдар жатпақты.
Жалқаулық жөнін жойыңдар,
Жүрмесеңдер ойланып,
Үстіңе ұят артпақты.

1917

Тұрмағамбет Ізтілеуұлы салдырып жай жаңадан Тұрмағамбет Ізтілеуұлы өлеңдері

Пікірлер (0)

Пікір қалдырыңыз

Құрбанғали молдаға

  • 0
  • 0

Болғанмен асылың адам, ая Құрбан,
Есексің ес, ақылың тіпті құрыған.
Еткен соң осынша еңбек ескеріп Хақ,
"Ілім" атты иініңе тақты тұрман.

Толық

Түрмеде

  • 0
  • 0

Кір болып көйлек, ыстан қышындырды,
Бит талап, бүрге менен қысым қылды.
Көнбеске Ақ үкіміне не күшің бар,
Бәнде деп баста саған ісім қылды.

Толық

Нұралыбек

  • 0
  • 0

Келіп ек кеуіл сұрап, Нұралыбек,
Түріңді түнәугіден көрмедік жек.
Жарылқап Жаппар Алла жағыңызды,
Сауалап сырқауыңнан аларсың кек.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер