Өлең, жыр, ақындар

Сықырлайды көшкен сең

  • 20.05.2019
  • 0
  • 0
  • 766
(Папаниншілерге)

Сықырлайды көшкен сең,
Соғып долы бораны.
Бұл дүлеймен белдескен —
Біздің Совет адамы.
Сеңді соғып көк жайын,
Арқырайды аюлар.
Соққан ылғи сең сайын,
Кемеде күш, айыбым бар.
Үсті — боран, асты — мұз,
Бұрқан - Сарқан толы үрей.
Шамырқанбас шаттық жүз,
Отыр күліп сол герой.
«Мейлі шықсын тулап сең,—
Жанда жалын сәуле бар.
Отанымнан ол түскен,
Бар дүлейге сол қаһар.
Мұхит сырын білем деп,
Сеңді суыт кешемін.
Еткен мені ер жүрек —
Компартия — көсемім...
Қызыл жалау жалтылдап
Жүр мұхиттың белінде,
Дүлей мұзды алқымдап,
Өрлік беріп еліме.



Пікірлер (0)

Пікір қалдырыңыз

Маяковский

  • 0
  • 0

Тықсырып
Әшекейшіл
Ескі жырды,
Келдің сен

Толық

Кәдімгі біздің Қошқарбай

  • 0
  • 0

Көрдім оны ауылда,
Өзінің Алатауында,
Жерінде туған елінің —
Шалқып жатқан егінінің

Толық

Есілге

  • 0
  • 0

Көкше мұзды суық сұр
Құрсап қатқан Есілге,
Мұңмен қарап сұлу тұр,
Кім түсті екен есіне?

Толық

Қарап көріңіз

Басқа да жазбалар