Эссе және өлең-жыр байқауы

Бегемоттың терісі

  • admin
  • 30.04.2019
  • 0
  • 0
  • 269
Бар досым да,
Әрине, бар қасым да.
Талай-талай түнедім жар басында,
Шыдамасқа шыдадым,
Соның бәрі
Мынау қалың терінің арқасында.
Қол жеткізбей өзімнің төрімдегім,
Көрінетін кезімде көрінбедім.
Алау кешкен,
Қып-қызыл жалын кешкен
Ұлтаннан да қалыңдау терім менің.
Кетсе-дағы жырылып еріндегім,
Төзіп бақтым.
Қиынға берілмедім.
Соқыр сынның қамшысы тілген талай
Бегемоттың терісі — терім менің.
Шынын айтам.
Сенбесең қарғанбаймын.
Талай мені талаған арлан қайғың.
Терім қалың бірақ та,
Терім қалың.
Терім қалың болғанға арланбаймын.
Желе-жортып еңбектің торысымен,
Жыр іздеген Даланың серісі мен...
Терім қалың...
Тегі асыл алмасыңды
Бегемоттың қырлайды терісімен!

Басқа да өлеңдері

Қаһарына әбден мінген Сара апай

  • 0
  • 0

Қаһарына әбден мінген Сара апай,
Қамшы болып осқылады қалақай.
Кімді сабап,
Кімнен таяқ жегенін

Толық

Табиғат тойы

  • 0
  • 0

Тағы келді,
Тағы келді бір көктем.
Сәби сәуір көтерілді жөргектен.
Ертеменен безілдеді,

Толық

Символ

  • 0
  • 0

Желі-желі,
Көген-көген тел ұстар
Кез алдымда сонау көне қоныстар.
Сәукеле боп,

Толық

Пікірлер (0)

Пікір қалдырыңыз


Жүктелуде...