Терезесі бар көңілді ашық хаттар құрастыру

Мұханова Сымбат Күзембайқызы

Бастауыш сынып мұғалімі

Қызылорда облысы Сырдария ауданы

Сыныбы: 3         Пәні: Еңбекке баулу

 Сабақтың тақырыбы:  Терезесі бар көңілді ашық хаттар құрастыру

Сабақтың мақсаты:  Білімділік: Ашық хат  түрлерінің ерекшеліктерімен сонымен қатар ашық хатты әшекейлеу түрлерін үйренеміз;

Дамытушылық: Оқушылардың ой-өрісін, білімін дамыту;

Тәрбиелік: Оқушыларды өз бетімен жұмыс жасауға, ұқыптылыққа, үнемшілдікке, тазалыққа тәрбиелеу;

Сабақтың типі:                    Жаңа сабақ

Сабақтың әдіс-тәсілдері:   Түсіндіру, сұрақ-жауап, сарамандық жұмыс.

Пәнаралық байланыс:       Математика, дүниетану, бейнелеу өнері

Сабақтың көрнекілігі:       Мультимедиялық тақта, компьютер, түрлі – түсті қатырма қағаз, қайшы, желім.

Сабақтың барысы: І. Ұйымдастыру кезеңі    

- оқушылармен амандасу;

- қажетті құралдарын түгендеу;

 - жұмыс орнын дайындау;

ІІ. Психологиялық дайындық:          Ойға толсын санамыз,

                                                           Бестік болсын бағамыз.

                                                           Баласындай бір үйдің,

                                                           Тату болсын арамыз.

ІІІ. Үй тапсырмасын сұрау:

1. Үшбұрыштың көмегімен біз не сызамыз?  / Бұйым бөлшектерінің бұрыштарын /
2. Циркуль дегеніміз қандай мағынаны білдіреді және қай тілден аударылған?

      / Латын тілінен аударылған, дөңгелек деген мағынада /

1. Белгілеудің қандай түрлерін білесіңдер?
   • Бүгу сызықтары арқылы белгілеу;
   • Тор көздер бойынша;
   • Трафарет бойынша;
   • Тепшу тігісімен, қалып үлгі бойынша;
   • Үшбұрыш және циркульмен белгілеу;
2. Циркульді кімдер қандай құрал ретінде пайдаланады? / Құрастырушылар мен

      жұмысшылар өлшеуіш және белгілеуіш құрал ретінде пайдаланады /

Жаңа тақырыпты « Адасқан әріптерді орнына қой » әдісі бойынша табу

1. е р е т е з і с
2. р б а
3. ң і д і л к ө
4. ы қ ш а
5. а т р а х т
6. р ұ қ с а р т ы у

 

ІV. Жаңа сабақ:   Терезесі бар көңілді ашық хаттар құрастыру

Әр адам өз қолымен жасаған дүниесін, шын ықыласымен, бар ынтасымен, шынайы сезіммен, жасайды. Ал сезіммен, шын ықыласпен жасаған зат адамға - әсемдік, қуаныш, шаттық, бақыт, сұлулық сыйлайды екен. Балалар сендерге « Ашық хат » туралы мәлімет беріп өтейін.« Ашық хат » - айтылған лебіз немесе тілек жазылған хат. Ашық хат – тарихқа сүйенер болсақ тым ежелде осыдан 150 – 200 жыл бұрын шыққан. Әр елде , әр түрлі жолмен шыққан. Ағылшындардың айтуы бойынша ең алғаш « Жаңа жылдық » ашық хат 1794 ж шыққан. Ал Ресейге бастапқыда Германиядан әкелінген. Ресей халқы ең алғаш өз « Жаңа жылдық » ашық хаттарын Петербургте 1898 ж шығарған.

V. Сергіту сәті:   Орнымыздан тұрамыз,          Жел улейді у – у

                              Қанатымызды жаямыз            Құйын соғар зу - зу

                              Оңға солға бұрылып,               Қатты – қатты жел соқты,

                              Сірігіп біз қаламыз.                 Жапырақтар қол соқты

Енді балалар  ашық хат туралы мағлұматты есте сақтап ,  білген болсақ  өз тәжірибемізбен алмасып жасап көрейік. Ол үшін бізге  қатырма қағаз, желім, қайшы, сызғыш  қажет.

Жұмысымызды бастамас бұрын біз түс  таңдаймыз. Яғни І топ көк түс , ІІ топ сары түс,  ІІІ топ жасыл түс. Осы 3 топ ашық хатқа терезе жасау үшін 3 түрлі фигура таңдайды.

Көңілді және жылы түстер:   сары , қызыл, жасыл

Көңілсіз  және суық түстер:  көк, көгілдір

VI.  Сарамандық жұмыс

1. Сызба бойынша қағазды өлшейміз
2. Әр топқа берілген үлгілер бойынша ашық хаттар дайындалады
3. Ашық хатқа тілек жазу
4. Үлгі бойынша жапсырмалап, жұмысымызға кірісеміз.

Жұмысымызды жасап болсақ, өз қолымызбен жасалған ашық хаттарымызды толтырып достарымызды, ұстаздарымызды құттықтап, тілек жазамыз.

VII.  Сабақты бекіту : 

Сұрақтарға жауап беріп отырып төртбұрыш ішіндегі әріптерді тізбектесек қандай сөз шығар екен.

1. Айтылған лебіз немесе тілек жазылған хат? /  ....ш.....қ    ....ат /  /а, ы, х/

2. Білім ордасы?  / ....ект....п /  / м, е /

3. Бұл қандай  сабақ?  / ....ңбек /

4. Гүлдің аты ?  /р...з..../  / о, а /

5. Ең жақсы баға?  / .....ес /

6. Өз атын өзі шақыратын құс?   / к.....к.....к /  /ө, е /

VIII. Қорытынды:   Өз қолыңмен, ықыласпен, бар ынтамен жасаған ашық хаттың

 рухы болады дейді. Шын көңілмен, ыстық ықыласымызбен тілек білдіргіңіз келсе

өз қолдарыңызбен ашық хат жасап құттықтаңыздар!

IX. Үйге тапсырма.

---