http://a-brands.kz/

DNS-кешті қалай тазалау керек және бұл не үшін қажет

Егер сізде сайттардың ашылуында қиындықтар туындаса, келесі әдісті байқап көріңіз.

DNS-кеште сіз кірген сайттың IP-мекенжайы болады. Ол сайтқа қайта кірген кезде тезірек жүктелу үшін керек. Егер сайт дұрыс көрінбесе немесе жүктелмесе, онда барлық мәселе компьютеріңіздегі DNS-кештің ескірген мәліметтерінде болуы мүмкін. Қуанышымызға орай, оны тез түзетіп алуға болады.

Windows

1 - Win + R пернелерін басыңыз.

2 - Ашылған мәзірде cmd деп жазыңыз.

3 - Бұйрық жолы ашылған кезде ipconfig/flushdns  деп енгізіп, Enter пернесін басыңыз.

4 - Содан кейін «DNS салыстырушының кеші сәтті тазартылды» деген жазу шығады.

OS X

Apple-дің операциялық жүйесінде барлық бұйрықтар «Терминалға» енгізіледі. Оған ең оңайы Spotlight арқылы кіру: оң жақ жоғарғы бұрыштағы іздеу белгішесін басыңыз.

Оны басқаша табуға да болады: Finder-ді ашыңыз → «Бағдарламалар» → «Утилиталар» → «Терминал».

Енді бұйрықтарды көрсету керек. Ол сіздегі операциялық жүйенің нұсқасына байланысты.

- High Sierra: sudo killall -HUP mDNSResponder; sleep 2; echo macOS DNS Cache Reset;

- El Capitan: sudo dscacheutil -flushcache; sudo killall -HUP mDNSResponder;

- Yosemite: sudo dscacheutil -flushcache;sudo killall -HUP mDNSResponder;

- Mavericks: dscacheutil -flushcache;sudo killall -HUP mDNSResponder;

- Lion & Mountain Lion: sudo killall -HUP mDNSResponder;

- Leopard: dscacheutil -flushcache;

- Tiger: lookupd -flushcache.

Осыдан кейін құпиясөзді енгізіп, macOS DNS CacheReset деген жазуды күту ғана қалады.


Әлеуметтік желілерде бөлісіңіз:


Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікірлер (0)

Пікір қалдырыңыз


nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)