Ана алдында өлім де мойын ұсынады.

Ілмектер: ана, өлім Ғабит Мүсірепов

---

---

Қызы анадан үйренбей өнеге алмас,
Ұл атадан үйренбей сапар шекпес.

Ілмектер: тәрбие, ұл, қыз, ата, ана, өнеге Қорқыт ата

---

---

Құт берекең - атаң қымбат,
Аймалайтын анаң қымбат.
Мейірімді апаң қымбат.
Асқар тауың - әкең қымбат.

Ілмектер: Қазыбек би, ата, апа, әке, ана, туыс Қазыбек Келдібекұлы

---

---

Ата тұрып ұл сөйлесе — ер жеткені болар,
Ана тұрып қыз сөйлесе — бой жеткені болар.

Ілмектер: ата, ана, қыз, ұл, ер жету, бойжеткен, сөз, сөйлеу Сырым Датұлы

---

---

Ағаңнан айырылсаң — қанатыңның қайырылғаны,
Әкеңнен айырылсаң — асқар тауыңның шағылғаны,
Сүйген жарыңнан айырылсаң— жапырағыңның қуарғаны,
Анаңнан айырылсаң — ағып жатқан бұлағыңның суалғаны.

Ілмектер: аға, әке, сүйген жар, ана, айрылу Сырым Датұлы

---

---

Перзенттер аналарды гауһардан да артық безендіреді.

Ілмектер: перзент, ана, бала, нақыл, афоризм Самуэль Батлер

---

---

Әйелдер адамды бесігімен баулиды... Өмірдің іргетасы солардың қолымен қаланады.

Ілмектер: әйел, ана, нақыл, афоризм Николай Пирогов

---

---

Адамдар - әрқашан өз аналарының перзенттері. Ана болмаса ақын да, батыр да болмайды.

Ілмектер: адам, ана, перзент, нақыл, афоризм Максим Горький

---

---

Күшті махаббат қана күйеудің бойындағы кінəратты жеңеді. Күшті махаббаты бар ақылды, сабырлы əйел ғана жаман жігіттен жар жасап алады. Содан кейін олар бірінің айтқанынан бірі шықпай сыйласымды, тату-тəтті өмірді бастарынан кешіреді. Бұл жолда əйелдің көп қажыр, қайраты жұмсалады. Ол жақсы жарды содан соң барып табады. Адам бойындағы, əсіресе қыз бойындағы қасиет ана берген тəрбиеден ғой.

Ілмектер: махаббат, кінәрат, ақыл, сабыр, әйел, ана, тәрбие, нақыл, афоризм, қанатты сөздер Әзілхан Нұршайықов

---

---

Анаң аңырап қалмайғай.

Ілмектер: ана, нақыл, афоризм, қанатты сөздер Бұқар жырау

---

---

Адал адам Отанын сүйеді, адал, ақ жүрекке Отан — анасындай. Отанның дегенін істеу — қуаныш, мақтаныш. Отанға деген махаббатты, әсіресе біздегі махаббатты өлшеуге болмайды

Ілмектер: отан, ана, нақыл, афоризм, қанатты сөздер, мақтаныш, қуаныш, махаббат Баубек Бұлқышев

---

---

Ананың хақы – Құдайдың хақы.

Ілмектер: ана, хақ, құдай Қорқыт ата

---

---

Анадан өнеге көрмеген қыз жаман.
Атадан өнеге алмаған ұл жаман.

Ілмектер: ана, ата, қыз, ұл, жаман Қорқыт ата

---

---

Ата-ананың қадірін білмеген — халық қадірін білмес.

Ілмектер: ата-ана, ана, халық, қадір, нақыл, афоризм Ғабиден Мұстафин

---

---

Арыз-құрыз, жiк, жала, есеп өссе,
Бiр-бiрiңдi жоқ қылар өсек өссе,
Өз шешеңнiң емшегiн өзiң турап,
Итке тастау дегенiң осы емес пе?

Ілмектер: арыз, жала, өсек, шеше, ана, ит, нақыл, афоризм, қанатты сөздер Сүйінбай Аронұлы

---

---

Ұл ақылды хош көрмес – ата үлгісін көрмесе,
Қыз жарытып ас бермес – ана үлгісін көрмесе.

Ілмектер: ұл, қыз, тәрбие, үлгі, ата, ана, ас, ақыл Қорқыт ата

---

---

Қыз ақылды ескермес - ана үлгісін көрмесе,
Ұл жарлықап ас бермес - әке үлгісін көрмесе

Ілмектер: қыз, ұл, үлгі, ана, әке Қорқыт ата

---

---

Екі дүниеде жырласақ Ана ерлігін, Ананың өжеттігін жырлайық та!

Ілмектер: Ғабит Мүсірепов, ана, афоризм, қанатты сөздер, ерлік, өжеттік Ғабит Мүсірепов

---

---

Құдіретті, өшпес өмірдің сарқылмас бұлағы — әйелді — Ананы ардақтайық. Адам бойындағы барлық жақсы қасиет күннің нұрынан, Ананың сүтінен тараған. Өмірге деген махаббатымыздың өзегі де, міне, осында.

Ілмектер: Максим Горький, өмір, ана, әйел, қасиет, күн, ана сүті, махаббат, нақыл, афоризм, қанатты сөздер Максим Горький

---

---

Бақыт әр адамның қызыққан ісінде. Мұғалімнің бақыты студенттің алдында, ананың бақыты баласының алдында, диқанның бақыты тамшылаған терінде. Демек, әр адамның бақыты әр түрлі. Сол сияқты әр ұлттың да бақыты әр түрлі болады.

Ілмектер: бақыт, нақыл, афоризм, қанатты сөздер, ана, бала, мұғалім, студент, диқан, тер, ұлт Нұрхалық Абдырақын

---

---